تجرتي مع شعري المقصف المتعدد النهايات . و الاهم لا يطول ابداااا من سنين .الحمد لله اتحسن 2024.

السلام عليكم … انا فرحانة اني هكتب ليكوا في مشكلة انا شخصيا عارفة حجم المعاناه اللي بتعاني منها اغلب البنات .. ودي اول مشاركة ليا في المنتدي يارب اقدر افيدكوا بحاجة بسيطة

الموضوع باختصار ان انا شعري مقصف جدااا و الشعرة نفسها متعددة النهايات و بيهيش علي الاخر لدرجة اني مكنتش بعرف اسرحة و حلمي انه يطول لانه من و انا طفلة مش عايز يطول ابدااا … المهم روحت لدكتور و قولتله بجد انا بعاني من شعري ونفسي يطول و يبق زي الاعلانات … قالي الخلاصة و هي كالتالي :

– اي وصفة تقول هطول الشعر 5 سم و الكلام دا مجرد دعاية و كلام فقط
– الشعر بيطول من 1سم الي 1.5 سم او 2 سم بالكتير في الشهر و كل المحاولات التانية هتجهد فروة الراس …. يبق السبيل الوحيد اللي يطول شعرك هو انك تبق عارفة ان المعدل بتاعه مش هيزيد عن كدا يبق احنا لازم نحاول نخليه يطول 1 سم او 2 سم دول في الشهر
– الشعرة نفسه مجهدة جدا علشان كدا اتقصفت بالشكل دا

و كتبلي علاج …بجد يا بنات انا عمري ما شوفت شعري طول 1 سم من و انا طفلة و انا دلوقتي 23 سنة و شعري لسا من يوم ابتدائي ما طول … انا مستمرة علي العلاج دا بقالي شهر … و شعري طول فعلا 1 سم

العلاج اللي كاتبهولي هنقلهولك من الروشتة بالظبط … هو كالتالي :

– Enrich cap كبسولة يوميا
– Pantogar cap كبسولة صباحا و مساءا
– Anaphase shampoo غسول للشعر مرتين اسبوعيا
– Hair gain (pharco )s sol مس لفروة الشعر مساءا يوم بعد يوم
– Rvevivogen conditionner لمدة 10 دقايق بعد الشامبو ثم يشطف

بس يا بنات بجد دي الروشته و خلال فترة العلاج ممنوع اي زيت او كريم او اي وصفة تجربوها علي الشعر طبعا في الاول شعري هااااايش علي الاخر كانه بيحاربني عايزني احط عليه زيت او كريم بس انا صبرت لحد ما فات شهر فعلا و شعري لاقيته طول بجد مش دعاية لاول مرة في عمري كله شعري طول 1 سم وبقا ناعم ما شاء الله و بتمني بجد انه يطول خالص و انا لسا مستمرة علي العلاج و عندي اعادة كشف قريب

بجد يا بنات اللي يستفيد من كلامي يدعيلي بالزوج الصالح و ان شعري يبق جميل .. و ربنا يسعدكوااااااا كلكوا يااااااااااارب … و اي استفسار انا هرد عليه ان شاء الله

ربي يوفقك و تحققي كل احلامك و يرزقك الزوج الصالحة و تعيشي مرتاحة دايما

منوره حبيبتي
من فضلك لو ممكن نزلينا صور الادويه لتعم الفائده اكتر حبيبتي
في انتطارك
ربنا يسعدك

ربي يوفقك و تحققي كل احلامك و يرزقك الزوج الصالحة و تعيشي مرتاحة دايما

دار

دار

الله يوفق بى الزوج الصالح يعطيك الف عافيه على المعلومه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top