الفرق بين الطفل الأول والثاني والثالث
الفرق بين الطفل الأول والثاني والثالث
.
.
.
.
.
.
الملابس
الطفل الاول: تلبس هدوم الحمل من اول لما تعرف انها حامل.
الطفل الثاني: تحاول تلبس هدومها العادية لاطول فترة ممكنة.
الطفل الثالث: هدوم الحمل هي هدومها العادية اليومية.
الاعداد للطفل
الطفل الاول: كل دقيقة تغيير للطفل.. وتحاول تخلي ريحته حلوة.
الطفل الثاني: كل ثلاث ساعات.
الطفل الثالث: لما ريحته تطلع.
القلق
الطفل الاول: من اول خبطة تجري عليه و تشيله.
الطفل الثاني: تشيله لو حست ان خلاص فيه عربية حتخبطه.
الطفل الثالث: احسن..علشان تتربى… خلي العربية تدوسك.
الاكل
الطفل الاول: ترمي أى حاجة تقع على الارض.
الطفل الثاني: تغسلها بشوية مية.
الطفل الثالث: تمسحها فى هدومها وتسمى وتديهالو.
الفسح
الطفل الاول: الملاهي..المراجيح..النادي.
الطفل الثاني: زيارات.
الطفل الثالث: السوق.
الخروج
الطفل الاول: تسيبه مع أختها و تتصل تطمن عليه كل خمس دقايق.
الطفل الثاني: تسيبه مع أختها… و هي على الباب تفتكر تسيب رقم التليفون بتاع المكان اللي هي رايحاه.
الطفل الثالث: تسيبه مع أى حد.. مع تحذير بان محدش يتصل بيها إلا فى حالة يكون فى الموضوع دم.
فى البيت
الطفل الاول: كل دقيقة تتفرج على ابنها وهو نايم.
الطفل الثاني: من وقت للتاني تتاكد ان الكلب ماكلش دراع الولد.
الطفل الثالث: تستخبي منه على قد ما تقدر.
لو بلع فلوس
الطفل الاول: تطلب عمل أشعة للولد.
الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاَّ لأ؟
الطفل الثالث: تخصمه من مصروفه
الطفل الأول بينام ف غرفة نوم الأهل .
الطفل الثاني بينام مع أخوه في غرفته.
الطفل الثالث بينام ف اى مكان ف البيت .
مسكين الثاالث يكسر الخاااطر
انا الحمدلله الاولى
تسلم ايدك ام ملك احلى تقيم
بيحصل
ضحكتينى يا عسل
طيب قولنا
انت بتعملى كده
وعلى فكره الاموره مى لما وقعت من يومين
عرفت انها راحت للدكتور مع انها
هى الطفله التالته
هههههههههههههه
منا علشان كدة منزلا الموضوع دة
هههههههههههههههه
انا خاله رخمه اوووووووووى
ربنا يخاليكى ليا
بحبك
بس يا ريت ميحزفوش المشاركة دى
وانتى السبب فى دخولى امنتدى
وانا بشكرك
