الغيره والشك حيموتوني 2024.

ازيكم يا بنات انا عندي مشكله ومعنديش غيركوا احكيله من حوالي تلات شهور مسكت تليفون جوزي لقيت فيه تلات رسايل من رقم غريب فيهم رساله بتقول شكرا يا احن قلب واطيب مخلوق انا قريت الرساله وحسيت اني في دوامه روحت صحيته من النوم وقلتله ايه ده قالي دي واحده متاجره عندي في لعماره واتاخرت في الايجار وانا صبرت عليها قولتله وتبعتلك رسايل ليه متشكرك اول ماتشوفك وخلاص قالي دي ست كبيره في السن وقد مامتك المهم هي عندها محل بقاله جمب المحل بتاع جوزي لما كنت بقوله يعني ملقتش غير المحل ده اللي جمبها فضل يزعق وقالي اعملي حسابك انا مشاركها في المحل بتاعها فضلت اعيط واقوله ليه خبيت عليا قالي عشان عارفك حتدايقي انا كل ده عشان مستقبلنا وده شغل وانا حعرفك بيها المهم قابلتها مرتحتلهاش ابدا وعمري ما قادره انسى الرسايل اللي بعتتها لجوزي المهم عملت خناقه كبيره راح قالي ملكيش دعوه بالشغل وممتكلميش في الموضوع ده احسن لك انا مش عارفه اعمل ايه هل انا مزوده الموضوع ولا غيرتي وشكي في محله ارجوكم تحسوا بيا بيا انا من سبع سنين انا الست الوحيده اللي في حياه جوزي وفجاه ظهرت دي وكمان شيركتوا في الشغل وجارته في المحل وبيقولي انها بتتكلم معاه في مواضيع كتير واول ما الادان ياذن تقولوا سيب المحل وروح صلي يعني مهتمه بيه فقولولي اعمل ايه
بعيد الشر عنك

وسلامت قلبك

بصراحة حاسة انتي مزودتها شويتين

ما دام شرح الموضوع وفهمك بلاش تتدققي

مشيها هذي المرة وانسي الموضوع ولا تفتحية مرة ثانية معاه

بس لو عادها لك تصرف ثاني

وعليك بالدعاء بدعاء ان الله يذهب غيرتك

ويطمن قلبك

تقبلي مروري المتواضع

بعد الشر عنك ياحبيبتي

شوفي الغيره والقهر والتوتر اللي انتي فيه مش حيحل المشكله
انا اتوقع من اسلوبها اللي انتي وصفتيه انها حطه عينها على جوزك
الشطاره بقه ان احنا منسبوش ليها
ومنطفشوش بالنكد والغيره ويروح يلاقيها الصدر الحنون اللي بيطبطب عليه
بالعكس سيبي اللي في قلبك في قلبك ومتفتكريش ان دي خيانه من جوزك
لا ابدا لأن مش هو اللي دور على وحده ده هي اللي رمت شباكها عليه زي مابيقولوا
عشان كده لازم تبقي عاقله وتعرفي تحافظي على جوزك وبيتك مش تنهاري وتسيبي بيتك ينهار وهي الكسبانه
اسمعي كلامي وطبقيه وان شاءالله حتحسي بالتغيير وحتلاقي جوزك هو اللي حيبعد عنها من نفسه

اول حاجه واهم حاجه انك متفتحيش معاه الموضوع خااااااااالص ولا تسأليه عنها ولاعن شغله ولاحتى بالتلميح
وبعدين اشغليه بيكي يعني زودي جرعة الحنيه شويه
خلينا نرجع لأيام الخطوبه مثلا وهو طالع متتأخرش عليا ياحبيبي
ترجعلي بالسلامه وكثري من الكلام بتاع انامستغناش عنك انامااقدرش اعيش من غيرك
الجئيله في كل حاجه تخصك يعني لو شوكه دخلت في صباعك تروحي تقوليلو طلعهالي
تخدي رأيه في لبسك تسريحتك طبها بهدوء ودلع من غير زن
كمان زودي اهتمامك بيه يعني مثلا مساج لو تقدري يكون يوميا او على الاقل كل يومين
حطي ميه وملح وادعكيلو رجليه ده مش عيب ابدا
انتي قصيلو ظوافره انتي احلقيله حتى لو مكنتيش بتعملي ده قبل كده اعمليه دلوقتي وقوليلو
انانفسي انا اعملك بايديا
اسأليه عن علاقتكم الحميمه انت مرتاح ياحبيبي في حاجه نقصاك نفسك نجرب حاجه جديده
دي حاجه اساسيه ومفهاش خجل بين الزوجين ولازم الصراحه فيها
على الاقل الزوج يحس ان الزوجه نفسها تسعده
وفكري دايما ان احنا الحريم لما بنحط حاجه في راسنا باذن الله بنوصلها
يعني متخليش زوجك ند ولا عدو ليكي في الموقف ده
بالعكس دايما فكري ان انتي وهو جبهه وحده وبتواجهوا عدو واحد
هي اضعف منك وانتي موقفك اقوى يعني متدهاش فرصه تطلع على كتافك
وبيتهيألي بيتنا وحياتنا ومستقبلنا يستحق نتعب شويه عشانو ونضغط على نفسنا شويه
وسدقيني كل اللي حتعمليه انتي حتحسي فيه بالسعاده وانتي بتسعدي جوزك
اناعارفه اني طولت عليكي بس انا عندي عقده من الحريم الدخيله دي
ربنا ينتقم منهم جميعا
وكثري دعاء ان الله يسخرلك زوجك وكثري استغفار
وان شاءالله حتحسي ان جوزك مش حيشوف حد غيرك وهو نفسه حيبدأ يصدها
ربنا يوفقك ويسعدك ويبعد عنك شياطين الانس والجن
ابقي طمنيني عليكي
واناتحت امرك في اي حاجه

قلبي معك واسمعي كلام الدب الكسلان لانو كله صح وطبقي كل المطلوب وتوكلي على الله

من توكل على الله فهو حسب وربي يهدي بالك ويصلح حالك

انا مش حازيد ولا كلمة على كلام الدب الكسلان… ما قصرت

اتبعي نصيحتها

لولو
أتعبتي من بعدك في الرد
يعطيك العافية
طبقي كلام لولو وان شاء الله راح تلاحظين انه تغير للأحسن
وأهم شيء بعدي عنك الغيرة الزايدة لأنها ممكن
تكبر الموضوع زيادة ولو ما كان في شيء في باله
يضعه في باله بما انه غلط أو ما غلط انتي زعلانة زعلانة
حافظي على بيتك وهدي نفسك وانسي اللي حصل
ونصيحة لا تتعودي تنبشي في جوال زوجك
له رب مطلع عليه ولو أخطأ لا سمح الله
لا بد انه يرجع من نفسه
بس انتي الجأي لله بالدعاء
والله يحفظكم ويسعدكم يارب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top