طبعا موضوع الغيرة بالنسبة للأطفال دى حاجة فى كل بيت
تعالوا أقولكم على تجربتى بالنسبة للغيرة
أنا عندى يوسف كان عنده سنتين بالظبط وبعدين ربنا رزقنى بالحمل الثانى
فبدأت أعمل للولد تمهيد ان فى بيبى ها يشرف فى البيت وكل شوية أكلمه عنه
لحد ما الولد بقى مشتاق جدا يشوف البيبى
وانتهت فترة الحمل وشرف البيبى 
طبعا الولد كان فرحان بيه وفى نفس الوقت تعبان نفسيا للوضع الجديد
بدأت أهتم بالولد أكتر من الاول وفى نفس الوقت أحببه فى أخوة
بمعنى ان الولد كل أما يرجع من الحضانة أقوله أخوك سأل عليك وكان عايزك
أو ديلة هدية وأقوله أخوك هو اللى أشترها يقولى أزاى ؟
أقولة أصل هو بيفهم بس مش بيكلم
ومامته بس هى اللى بتفهمه
أو أقوله يالا شوف أخوك بيبكى ليه هو بيحبك أنت وعايزك تفضل جانبه
وهكذا لحد ما أخوه بدأ يكبر ويلعب معاه ويحبه
وبما أن يوسف بيتعامل معاه بحنيه فأخوه بيحبوا جدا
لانى من أول يوم علمته ان الطفل دا مسؤليتك أنت
ودلوقتى الحمد لله يوسف بقى عنده 6 سنين ومعاذ 3 سنين
ربنا يحميهم
حبيت أشارك من خلال تجربتى
يالا أنتى كمان قولى لنا تجربتك عشان نستفيييييييد من تجربتك .
قى أنتظاركم 
ويبقوا كلهم حنيه على بعضهم
ولا يفرق بينهم
وتفرحى بيهم وهما واخدين اعلى الشهادات وفى اعلى المراكز
وتفرحى بيهم وهم عرسان زى القمر
ربنا يباركلك يا هنون
جزاك الله خيرحبيبتى على دعائك الجميل دا
وربنا يباركلك فى بنتك ويخليهالك يارب
نورتى موضوعى تسلمى
فعلا الوضع بيكون جدا صعب مع تشريف الطفل الاخر في البيت
وبيكون ضغط كبير علي الام
ولازم تهتم بالاتنين وما تقصر مع اي منهم
الحل الانسب ايضا هو ان يكون الفرق بينهم مناسب
حتي يستوعب الاكبر منهم الموقف
موضوع متميييز نقبلي تقييمي
انابنتي كان عمرها سنتين لما جبت اخوها ورغم كل محاولاتي انها ماتتأثر لكن مرضت جدا وحرارتها كانت بتتعدى الاربعين والدكاتره مش عارفين اي سبب
وهو الموضوع نفسي وفي الاخير اكتشفت المشكله مع اني مكنتش بشيل اخوها ابدا تقريبا ودايما مع امي وهي اللي معايا لكن غلطت غلطه كبيره جدا
اني اخدت سريرها القديم للمولود واشترتلها سرير جديد اكبر واحلى لكن هي فهمت انو جه ياخد حاجتها ويسيطر على الوضع يعني
وفعلا يابنات اول مارجعتها سريرها خفت ورجعت زي الاول الحمدلله
انااسفه على الاطاله بس حبييت اشاركم الموقف عشان تاخدوا بالكم
وربنا يخليلك اولادك حبيبتي قلب ويباركلك فيهم
وموضوعك رائع جدا
وتستحقي احلى تقييم
