السلام عليكم ورحمة الله وبركاته
رمضان كريم
وسعيدة جدا اني وجدت هذا المنتدي الرائع وانا ابحث عن ريجيم لرمضان
قصتي تتلخص في الاتي
قبل يو 1/4/2014 كنت 137 كيلو انا طولي 173
المهم مكنتش طايقة نفسي وقررت وبعد معاناة اني اذهب مع صديقة لي في العمل الي دكتورة تغذية وبالفعل ذهبت معها والان اصبح وزني بتاريخ اليوم 5/7/2014 109 كيلو
وعلي فكرة وزني ثابت بقاله يجي اكتر من شهر مش بنزل انا بوظت شوية لان الدكتورة سافرت امريكا ومرتحتش للي مسكت العيادة مكانها وكنت بردك بروح جيم وبطلت
لي عدة اسئلة
اولا : عن الشاي الأخضر
انا بجيب نوع اسمه الربيع فتلة عاوزة اعرف يفضل قبل الاكل ولا بعده لاني كنت بخده قبل الاكل علي الريق وبارد خالص
ثانيا بالنسبة لرمضان
هل شوربة كنور بكريمة الدجاج او الفطر او الخضروات او الشعرية تزيد الوزن
علما بانني اشرب منها طبق كبير مع طبق سلاطة كبير + البروتين ( سمك بيض بالجبنة تونة )
ومش باخد اي مشروبات
بس ممكن تفاحة واحدة او موزة او برقوق بعد الفطار بساعتين
والصحور
زبادي لايت مع معلقتين عسل ابيض واثنين توست سن
ارجو الاهتمام والرد
وكل سنة وانتم طيبيين
أهلاً وسهلاً بيكى حبيبتى
أنرتى بيتك ريجيم الحلوة
والله يسعدك دائماً
كل عام وانتى بألف خير
والله يبلغك رمضان هذا العام وكل عام
الله يحققلك كل اللى بتتمنيه وتوصلى للوزن اللى بتتمنيه بألف خير
حبيبتى بخصوص الشاى الاخضر
لا يفضل ابداً الفتلة والنتائج بطيئة جداً معاه
اختارى الشاى الأخضر الورق هذا هو الأجود والأفضل
ولنتائج سريعة وزيادة نسبة الحرق
ضيفى بحجم الابهام قطعة زنجبيل طازج فريش مبشورة
وميعاد شربه بعد الأكل بساعة واحدة
ولا تنسى حاجة مهمة جدااا جداً
أما تعملى الشاى الأخضر لا تغليه
صبى ماء فى الكوب ثم ضعى معلقة شاى اخضر ثم قطعة الزنجبيل وقلبيه جيداً
ثم قومى بتغطيه الكوب
ليه ؟؟
عشان الزيوت الطيارة اللى فى الشاى الأخضر مش تروح ويحتفظ بقيمته
واشربيه دافئ وليس بااارد
بخصوص شوربة كنور أكييييد تزيد الوزن بيكفى المواد الحافظة اللى ممكن تثبت الوزن او تزيده
او تفتح النفس
وطالما فى ريجيم تبقى استغنى تماماً عن الكرييييمة لانها دسمة جداً
وأفضل شوربة للريجيم
اعملى خضار سوتيه اهتمى جداً بالبروكلى والكوسة والبازلاء وكرفس وشبت وفطر
او انك تعملى بيهم شوربة خضار
وقللى من الجزر حبيبتى
وهتكون شوربة الخضار دى مشبعة جداً جداً
بخصوص البيض حبيبتى خلييييه مرة بالاسبوع ويكون من غير صفار
بياض بس
السلطة طبعاً مفيدة جداً بس قللى فيها الطماطم ولو قدرتى تخليها كل يومين او 3 ايام أوك
وهقولك حاجـة كمان تزيد سرعة الحرق
معلقتين خل تفاح على السلطـة مع نص معلقة زيت زيتون ده يكون الدريسنج المعتاد
طبعاً ممنوع زيوت فى السلطة
الموز لا يعنى تعتبرى الموز ده جائزة
الفاكهة اللى تساعد على زيادة الحرق وتشبع جداً
اناناس // كيوى // بطيخ // برتقال
أتمنى أكون افدتك حبيبتى
وان شاء الله تنزلى وزنك بألف صحة وعافية
وتحققى حلم الرشاقة بكل سهولة ويسر
وأى استفسار لا تترددى
دمتى فى حفظ الله ورعايته
