الاختبارت والبنات -بدون زعل 2024.

بعض البنات الله يهداهم
اذا جت الاختبارات…
تتصرف تصرفات غريبة !!!!!
منها على سبيل المثال
(( بدون زعل طيب))

1.الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحراااام ،، واحيانا تزيد وجبات اضافية اذا كانت المادة دسمة .

2.تقعد تسوي نفسها طفشانه وتعبانه ويااااااربي مو قادرة اذاكر مدري وشفيني حاسة بكتمة يمه الظاهر احد قاري علي والا صاكني عين تقعد امها تقول باسم الله عليك تعالي اقرا عليك يابنيتي
كل هذا عشان اذا سقطت يقولون عين

3.بعضهن ينزل عليها وسواس نظافة ايام الامتحانات تتسبح الصبح والليل وتستشور شعرها كل مرة طبعا مايصير تخليه يخترب وبكره كيف تروح الجامعة والكتاب على برد طبعا هذي من واجباتها اليومية ماتقدر تتركهاعشان تذاكر مايصير

4.هذي تترك الكتاب على صوب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين لا وبعضهم ليلة الاختبار عند الخياطة رايحه تسوي بروفه… الله من قل الدبره بس

5.وبعضهم تنزل عليها صلة الرحم فجأه تقوم تكلم وحده من صديقاتها القدامه مال ايام الروضه من زمان ماكلمتها تبي تشوف وش صار عليها وتشغلها عن المذاكره

6.وهذي تنزل عليها الشطارة فجأة تقوم تسوي العشا لاهلهاوتغسل الصحون عن الشغالة وتقولها روحي رقدي انتي خلاص انا اكمل

7.وهذي مبتليها ربي بالتلفون قالبتها تشات حشا مو مسجات وماتوعي حق روحها الا قبل الفجر بساعتين

8.وهذي المسكينه اللي من قل الحيله تعور القلب لاقفلت معها قضبت المخده ونامت ولين تصحى تقول يووووووه راحت علي نومه

9.وهذي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق الا رايح ياي رايح ياي يعني اذاكر وامها ايه يابنيتي وش تبين بس قال ايش تبي تساعدها عشان تفتح نفسها للمذاكرة وما تدري ان كل السالفه عيارة هالنوع من البنات ماتنتهي الامتحانات الا وهي زايده 4 كيلو

خخخخخخخخخخخخخ

منقول

ههههههه
دمك شربات يا قمراية
تسلم ايديكي علي الموضوع
دار

ههههههههههههههه

كلام صحيح ميمو

لاتحرمينا من جديدك

عطرتم صفحتي بردودكم الحلوةة

ههههههههههههههههههههههه
ليش كاتبة على الموضوع بدون زعل والله مافي حد بيزعل من الواقع >>>هذا هو الحال الطبيعى لكل متفوقة خخخخخخخخخخ
يسلمووووووووووو
موفق بإذن الله … لك مني أجمل تحية .

نورتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top