صباح الخير على الحلوين يلي لسه ما فطرواااااااااا
راح اطعميكن اليوم فتة تسقيه بالسمنه وهاي فطور شامي كل يوم جمعه بتلاقي سوريا كلها بتفطر هيك
اول خطوه بنفت الخبز مشان هيك اسمها فته (بنقطعه )احجام شوي صغيرة
وبزبديه بنحط علبة حمص مطحون وعلبة لبن زبادي وشوية طحينه سائله وملح وحمض الليمون
وبنخلطن منيح ليصيرو متل الكريمه
بنغلي علبة حمص حب مع المرقه تبعتو
وعلى الخبز المقطع بنحط شوية مرقه مع الحمص الحب ونضيف نص كمية الخلطه يلي بالزبديه فوقهن مع ملح عصير ليمون واهم شي الكمون
وبنخلطهن بسرعة عشان الخبز ما يتبل كتير ويبرد
وبس خلطناهم بنضيف النص التاني وبنسوي السطح املس ما بنخلي الخبز يبين
وهلا بنحط السمنه على النار لحتى تقدح يعني تحمى كتير
ولبين ما السمنه تحمى بنزين الطبق بالحمص الحب والكمون والسماق والقدونس
مهلا بتكون السمنه حميت بنديرها بالتوزيع على الطبق بشويش عشان ما تنحرقوا
وبيتقدم جنبها المخلل والفجل وممكن بصل اخضر وابيض
وبكون شكلها هيك
وهاي صورة عن قريب
وممكن تتزين كمان بقطع صغيرة من الخبز المقلي والصنوبر
بس مشان الريجيمممم (كل هاد وبقول ريجيم) بخفف شوي
ان شاء الله تكون التسقيه بالسمن عجبتكوا
وعلى فكره انا ما بهمني التقيمممممممممم (مزحه مزحه )
انا ممكن افطر ويغمى عليه هههههههه
تسلم الايااااااادي الحلوة شكله مشهي ويفتح النفس وقمة التعذيب كمان
منوررررررررررره واحلى تقييم
جربيها واحكي بنفسك
شكرااااا على الوسام حبيبتي
والله انو بيشهي
فرفوشتي اخذتي طبقي بالغلط
عود في انتظار الغداء و انا عايزه مشاوي على مقبلات
تستاهلي التقييم و نورتي القسم
وتكرم عيونك الغدا عندي ومشاوي ومقبلات متل ما بدك
انا ببكي بشوف وبتعذب
يسلمووووووووووو ان شاء الله راح اجربها واخربها كمان
