يوميات مرضعة للوصول للوزن المثالى 2024.

السلام عليكم ورحمة الله

ازيييكم يارشيقات المستقبل

احب اعرفكم بنفسى الاول انا دودى

عمرى 25 وعندى بنتين ربنا يحميهم ويحفظهم هنا ولانا

هنا عندها سنتين ونص ولانا عندها اربعين يوم

مشكلتى بقى ياجماعة زى كتييير زيادة الوزن بعد الولادة

ونفسى انزل وزنى بطريقة صحية وما تاثر على النونو

مش عايزة انزل فى الاسبوع كيلوات كتير

بس نفسى مازدش ولو نزلت انزلولو كيلو او حتى نص بالاسبوع انا راضية دارمع الرياضة طبعا

لحد ما بنتى تبدأ تاكل وساعتها ابدأ الرجيم الجد

انا هنا هاكتب يومياتى ومحتاجة تحفزكم ونصائحكم ليا

ولو فى اى حد زيى كده وبيرضع وعايز ينظم اكله

ممكن نساعد ونشجع بعض

انا وزنى 85 وطولى 166

يعنى محتاجة انزل بتاع 20 كيلو دار

ولو حد عنده ريجيم كويس للمرضعة ياريت يفدنى بيه

حبيبتي الف مبروك على البنوتة يارب تنحفي بصحة وعافية ومن غير ما يأثر على البيبي ..للاسف معنديش اي معلومات ممكن تفيدك بس حابة اسألك كم كان وزنك قبل ما تحملي

الله يبارك فيكى يافزووم

انا وزنى قبل الحمل الثانى ده كان 82,5يعنى الحمد لله ما زدت كتيير

لانى تعلمت من اخطائى فى الحمل الاول

كان وزنى 70 ووصلت 89 ربنا يعافيكم

ولما بدات الرجيم ونزلت ل 82 وكانت الدنيا ماشية كويس معايا اكتشفت انى حامل فوقفت الرجيم والرياضة

ودلوقتى املى انى ارجع تانى ل 70

على قد ما انا نفسي في بيبي على قد ما انا خااااااايفة من السمنة لذلك انا بعمل رجيم توا ولو حملت ان شاءالله ناوية اتابع وزني وما اخليه يزيد الا الزيادة الطبيعية بس قوليلي انتي عملتي ايه في حملك التاني كنتي متبعة ريجيم ولا شن عشان استفيد من تجربتك

مبروووك اليوميات حبيبتي

والله يحفظلك بناتك .. ان شاء الله توصلين للمثالي بـ صحة وعافيه

موفقه ياقمر

الله يبارك فيكى يا احساس ودعواتك بقى

فزززوم….لا ما عملتش ريجيم لان ده بيضر البيبى

كل ما فى الامر انى ظبت اكلى وكنت باكل الاكل الصحى اكتر

يعنى اكل اللحمة والفراخ مشوية او مسلوقة ابعد عن الحاجات المحمرة واقلل الحلويات والمشروبات الغازية

وكنت باكل فاكهة كتيييييييييييييييييير وسلطة

وبصراحة اللى فرق معايا كتييير انى فى الحمل الاول كنت تقريبا مش بتحرك كتيير لان الحمل برضو مكنش مظبوط اوى

وده زود وزنى جدا جدا

اما المرة التانية بحكم ان فى طفل صغير محتاج عناية وتروحى وتيجى وتجرى وراه وشغل البيت ده خلى

وزنى ما يزدش مع ان الحمل برضو مكنش ثابت لكن غصب من عنى

وانتى ان شاء الله ربنا يكرمك بالحمل وان شاء الله مايزيد وزنك الا فى الطبيعى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top