مطعم قصر الشوق بنكهة القاهرة الفاطمية

لكل عشاق الأصالة والعراقة مطعم قصر الشوق في المهندسين حيث الطعم المصري الأصيل مع أشيك ديكورات الثرات والفلكور المصري الأصيل

صور للمطعم

دار

دار

دار

السنة اللي فاتت زوجي قرر أننا نروح نتسحر بره في يوم من أيام رمضان

طبعا الأزمة اللي بتؤرق كل ستات مصر حاليا هي هنعمل إيه النهارده في السحور؟

هنعمل إيه النهارده في الفطار؟

حاجة فعلا تزهق فقررنا نكسر الملل ونروح نتسحر بره

طبعا عايزين نتسحر سحور يشبعنا ويكون الأكل نضيف وفي نفس الوقت مش مكلف أوي … فاقترح علينا أحد الأصدقاء مطعم في المهندسين اسمه ((قصر الشوق))

وإذا بي في قمة الانبهار من شياكة وجمال المكان … والنضافة والديكورات حاجة رااااااااائعة ماشاء الله بجد

الجو العام تحس كإنك في خان الخليلي بس بشياكة غير طبيعية … قولت أكيد هندفع دم قلبنا وإحنا ماشيين

لاقيت الموضوع مش مكلف تماما وخصوصا لما شوفت كمية الأكل اللي مكناش قادرين نخلصها

جوزي طلب تشكيلة من الأجبان وطبقين فول (واحد بزيت الزيتون – والتاني بالطحينة)

طبق سلطة

طبقين أومليت واحد بالجبنة الرومي والتاني بالبسطرمة

وطبق طعمية

بجد رااااااااااائع وأصلا لما بتدخل بيجيب لك مشروب ضيافة كده بيبقى كركدية أو تمر هندي في كوبايات شيك والخدمة هناك على مستوى …

جربوه بجد مش هتندموا … واحتمال كبييييييييييييييييير تكرروا التجربة أكتر من مرة

اللي عايز يسأل على تفاصيل أكتر يسأل وأنا تحت أمره

روعة
ان اء الله نجربوا
لما انزل اسكندرية باذن الله
حروح اجربة فى غدوة باذن الله
انا من هواةزيارة الاماكن الجديدة

دار

شكرا ليكى

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.