تخطى إلى المحتوى
الرئيسية » ما رأيكن نعمل رجيم ونكسب ثواب فى نفس الوقت؟

ما رأيكن نعمل رجيم ونكسب ثواب فى نفس الوقت؟

  • بواسطة

بسم الله الرحمن الرحيم
دار

كيف أحوالكن أخواتى الحبيبات؟ يارب دوم فى صحة وسعادة اللهم آمين

بدك تنحفى وتوصلى للوزن المثالى
عاوزة تخسى وتبقى أجمل الرشيقات
زهقتى بقى وتعبتى من المشوار الطويل فات كثير ولسة اكثر
وكل شوية مؤشر الميزان طالع نازل….. نازل طالع……. مش عاوز يريحك ابدا
كل ما تشوفى بنت نحيفة تتمنى انها تكونى أنتى
كثير متضايقة من مشاكل السمنة والتخن اللى يشوفك بيقول متزوجة وعندها عيل واثنين ووووو
مشاكل كثير بنتعرض لها ومشاكل أكثر هتظهر من خلال مشاركتكن….
انا بعرض عليكن فكرة ممكن نطبق نعمل ريجم(نظام حياة) ونكسب ثواب
بمعنى ان كل لحظة بتمر عليها فى الرجيم هتكون عبادة وقرب من الرحمن
هقولك معادلة
عادة+نية= عبادة
يعنى انا بنعمل رجيم او دايت او بنمارس رياضة كعادة
اية رايك نضيف نوايا ونصحح النوايا ونجددها خلال رحلتنا الرجيمة وأهدافنا للوصول للوزن المثالى وهيبقى طوال رحلتنا عبادة وجزاء كمان للصبر على الوزن الزائد وحرمانة ما تشتهى نفسك من شهوات الطعام وغيرها وصبر ايضا على كلام الناس واذى الناس ونظرتهم الثاقبة لك اللى كل مرة بتجرحك ولكن ما تقدريش تتكلمنى لانك باختصار تخينة وسمينة غير بقى الشيطان الرجيم وسواسة لن تنحفى ابدا .. لن تخسى ابدا … هتفضل تخينة طول العمر والكسل لان الشيطان بيحبك كسلوة جدا وخاملة وووو لازم تنصرى على حاجتين

السمنة (لانها وحش قاتل هتدمرك هتدمرها) + الشيطان الرجيم( الذى يعوقك كل شوية بالاحباط والياس) والشيطان ما يترك بن آدم فى حالة ابدا باالاستعاذة واللجوء لله تعالى والوضوء والصلاة يخنث الشيطان فوراً من على قلبك.
1- أنا بخس علشان ارضى ربنا سبحانة وتعالى وأحافظ على الامانة اللى منحها لى ربنا وهو الجسد

2- انا بخس علشان يكون جمسى رشيق علشان انا مسلمة ومش يتقال شوفوا المسلمات تخان وكسلالى ازاى يبقى الامة فى ثبات عميق وكل مدى بتاخر النصر بسببنا احنا

3- انا بخس علشان اكون قدوة لغيرة ومسلمة ناجحة قدرت انتصر على شهوة الطعام وشهوات الدنيا كلها الراحلة اصلا

4- انا بخس علشان صحتى أولا علشان هكون زوجة فى يوم من الايام اسعد نفسى وزوجى فى الحلال

5- انا بخس علشان اقدر انجب اولاد باذن الله بصحة جيدة واربيهم تربية سلمية اسلامية تحمل هم الدين

6- لو متزوجة علشان أعين زوجى على غض البصر واحفظ عينة على انها تقع فى الحرام بسببى

7- علشان اقدر اتابع اولادى فى الحياة فى الدراسة وفى اللعب وفى الحركة الحياة اليومية عموما

8- انا بخس علشان أقدر البس ملابس أكثر حشمة ووقار للمرأة المسلمة مش علشان الممثلة الفلانية التى تكشف اكثر مما تستر

9- انا بخس علشان اقدر امتع نفسى والبس كل ما يحلو لى من قصير وعرى لزوجى حتى يرى ما تحلو لة عينه وفى الخارج اكون بحجابى وعباءتى

10- حينما امارس الرياضة لااسمع موسيقى ولا معازف لانها اصوات الشيطان بل استمع للاناشيد الاسلامية او بدون معازف واشغيلة بذكر الله على لسانك بالتسبيح او التحميد او الصلاة على الحبيب محمد صلى الله علية وسلم

11- انا بخس واكل أكل صحى مفيد لجسمى بالبروتنيات والمعادن وغيرها لا للنشويات والدهون الضارة القاتلة

12- انا بخس علشان أقدر أفعل عبادات الله سبحانة وتعالى بصورة افضل زى الصلاة والصوم لانها عبادات بدنية

13- انا بخس علشان اكون اكثر نشاطا وحركة وأسعى فى الارض لخدمة الناس,,, لخدمة الاسلام والمسلمين

14- انا بخس لنصرة دينى ولنصرة رسولى صلى الله علية وسلم حتى يفرح بى يقوم القيامة لان صاحبة ارادة وتميز وعزيمةوقصة نجاح

15- انا بخس علشان ساكون اكثر سعادة وراحة بال وهاستمر طوال فترة رحلتى بالدعاء ثم الدعاء ثم الدعاء لان الدعاء هو سلاح المؤمن الذى نحارب بة عدونا الا وهو (((السمنة))))

16- انا بخش علشان ( ان الله لا يحب المسرفين) وعدم الاسراف اى الاكل والشرب

17- انا بخس علشان يكون بدنى قوى (فإن المؤمن القوى خير عند الله من المؤمن الضعيف)

18-انا بخس لان كثرة الاكل تؤدى الى قسوة القلب والكسل فى العبادة

19- انا بخس وهوفر جزء من طعامى للفقراء والمساكين المحتاجين اللى مش لاققين ياكلوا اصلا وهتصدق بالطعام وأخذ أجر إطعام الطعام

20 – انا بخس علشان أهم نقطة ان هيأتى يوم وهأُسال عن كل شىء فى حياتى وعن جسدى وعن كل لقمة تدخل فمى حلال او حرام ….اسراف ام تبذير …..ضارة او نافعة

21- عند الشعور بالجوع يمكنك قراءة ما تيسر من القرءان الكريم جزء أو أثنين هيعينك على الجوع وكسب حسنات

دى النوايا اللى جمعتها لكن ويارت تضيفوا معنا نوايا كثير خلال رحلتنا ومشاورنا للتخلص من السمنة بإذن الله وحولة قوتة قولوا يااااااااااااااااارب واحبكن فى الله

اختكم المستبشرة خيراً وبقلمى

دار

السلام عليكم ورحمة الله وبركاته

بجد موضوع رائع جدا

جزاكى ربى خيرا فى الدارين الدنيا والآخرة

دار

جزاكن الله خيرا
ويارب كلنا نخس وننحف بصحة وعافية ياااااااااااارب

وفقك الله اختى الحبيبه لما فيه خير للمسلمين والمسلمات وان شاء المولى سوف استمر فى رجيمى اعلم انه قاسى ولكن ربى هو من استعين به هو نعم المولى ونعم النصير تحياتى
الهام قلب

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.