النهارده بعون الله هنزل لكم
الكانيلونى
اولا مقادير الكريب
2 كوب دقيق
2 كوب لبن
3 بيضات
ملعقه ملح صغيره
الطريقه
نجيب المقادير ونحطها على بعضها ونديله ضربتين فى الخلاط ندهن طاسه تيفال بالزيت
وناخد كبشه ونحطها فى الطاسه
وثوانى ونقلبها
هتبقى زى الفل
انا عملتها باللحم المفروم
عصجت اللحمه عادى
وبعدين عملت البشاميل
وتكون مش تقيله اوى
بعد ما عملتى الكريب
تاخدى منه واحده و تدهينها بشاميل معلقه صغيرة
وفوقيها اللحمه وتلفيها رول زى الساندوتش
وتدهنى السرفيس بتاعك اللى هيدخل الفرن معلقتين بشاميل
وتعملى كده لحد ما تخلصى اللى عندك كله
وبعد ما تخلصى رص كل اللى عندك
هاتى معلقتين صلصه وفوقيهم شويه مايه وزعتر وتوابل واعشاب
وحطيهم فوقيهم
وبعدين البشاميل وغطى كل الصينيه
اما بقى اهم حاجه
تحطى فوق الوش جبنه رومى مبشوره
وكمان موتزيريلا
ودى النتيجة تحفه
والطبق ده لأول ورده ترد وتقيم الموضوع
ياااربى
دوقى براحتك
شكرا جزيلا على المرور
بحبه جدا جدا
وولادي بيحبوه حلو ( بالعسل او بالموز او بالشوكولاته او بالسكر او …..)
تقبلي تقييمي
وتم نقل الموضوع للقسم المناسب وفي انتظار وضع الوسام
تـوآجدك الرائــع ونــظره منك لموآضيعي هو الأبداع بــنفسه ..
يــســعدني ويــشرفني مروورك الحاار وردك وكلمااتك الأرووع
لاعــدمت الطلــّـه الـعطرهـ