فراخ بالكارى بكريمة الشوفان دايت بجد تجنن 
,,,يارب تعجبكم بس ما تنسوش الدعوات بظهر الغيب بقى
دى المقادير: صدور فراخ مخلية مقطعة صغير جدا + بصلة متوسطة الحجم مبشورة + كوب لبن+ 5 معالق شوفان صغيرة + مرقة ماجى (قليلة الدسم) + 2 معالق كارى صغيرة + رشة فلفل اسمر
على النار وبنشوح البصل لغاية لما تذبل ويبقى لونها ذهبى 
نضيف الفراخ ونقلب كويس
نضيف الكارى +الفلفل الاسمر
نتظر لغاية لما تستوى وفى الوقت دة نأخذ
اللبن + الشوفان + نص كوب ماء فى الخلاط
نضيف الخليط على الفراخ بعد ما تستوى ونضيف الماجى لايت
ودى شكلها
ونقلب كويس ونتظر 7-10 دقائق هنلاحظ ان الشوفان بدأ يتقل زى الباشميل الخفيف كدة
وبس و بالهنا والشفااااااا يارب الطبق يعجبكم وهو بجد طعمة لذيذة ويجنن
فى حالة عدم توافر الشوفان يمكن استخدام دقيق ابيض 3 معالق صغيرة
وممكن على فكرة نفس الطريقة نعملها بالمشروم بدل الفراخ نجيب علبة مشروم او مشروم طازج بتبقى تحفة سواء بالشوفان او الدقيق الابيض
ونطبق نفس الخطوات وبتكون كريمة المشروم بس طبعا من غير كارى 🙂
تسلم الايادى حبيبتى
ننتظر جديدك
تسلم الايادي شكلها روعة وطعمها اكيد اروع
الله يوفقك اختي ويحقق لك امانيكي الثلاثه وانت تنعمين باتم صحه وعافيه
طبختك حلوه روعه وسهله وصحيه ان شاء الله اعملها عن قريب لاني احب الشوفان
تسلمي يا عسل
تسلم ايديكى يا قمرررر على الوصفة الشهية
وصفة جديدة و اكيييييد طعمها لذييييذ..
لكى احلى 5 نجوم..و احلى وساااام…
ويارب تعجبكم بس لازم تجربوها
