كيف حالكم يا احلى وردات ؟
نعرف انى مقصرة كثييييييييييييييييير فى حق المنتدى لكن سامحونى الفترة اللى فاتت كنت تعبانه وكانت حياتى فيها حبه دربكه بس الحمد لله على كل حال
انا طبعا اتفاجئت بكميه مسابقات هحتاج وقت كبير عشان احضر لها مبدئيا كده هعرض لكم النهارده طبق عملته حسب رغبه زوجى حبيبى 
الطبق هو صينيه خضار بالبشاميل
ممكن يكون مر عليكم بس المرة دى بيختلف تماما
ورده حلوة تسالنى وتقولى ليه ؟
هقولك عشان هو تحت اشراف احسن ماستر شيف فى العالم اللى هو زوجى يعنى 
وعشان نال شرف انه يتعرض فى منتدى راقى زى منتدانا العسوله ده 
نخش فى صلب الموضوع
المقادير يا وردات
زى مانتو عارفين انا مش بحدد كميات انتو اعملوا على حسب الرغبه
المهم
بطاطس متقطعه صوابع بس كبيرة شويه
فلفل احمر واصفر واخضر شرايح الالوان اللى تحبيها واللى تلاقيها يعنى
بصله متقطعه شرايح
كوبايه بازلياء خضراء مسلوقه نص سوى
لحمه مفرومه
حليب للبشاميل ((مع كيس البشاميل الفورى ))
ملح وفلفل اسود وبهارات
ثوم
بصى فى المقادير انا شخصيا بحب الاختراعات الخضار اللى بيعجبنى بحطه طالما هيساعد فى الطعم والشكل 
وطبعا لانه زوجى القمر قرر يقف فى المطبخ اليوم
اقترج يضيف على الوصفه جبنه شيدر مبشورة وكمان بشرها بنفسه
اما بالنسبه للطريقه 
اول شئ طبعا بتكونى جهزتى كل الخضار وقطعتيه شرايح مع الغسل الجيد
بتفرمى بصله غير اللى هتكون متشرحه طبعا
وتحطيها فى معلقه زيت على النار
ولما تدبل تنزلى عليها اللحمه المفرومه
وتقلبى
وبعد شويه تحطى الثوم المفروم
وتقلبى
وترشى ملح وبهارات وفلفل اسود بس ملح خفيف
وتهدى النار لمده خمس دقايق
هيبقى شكلها كده 
وبعدين تنزلى عليها البازلياء المسلوقه
وتقلبى وتهدى النار خاااالص
مده خمس دقايق وتطفى النار وتخليها على جنب
نيجى بئا للخضار
تسخنى زيت كتير زى لما بتقلى الباذنجان كده
وتقلى فيه البطاطس والفلفل بانواعه والبصل
مجرد تدبيل بس
وده شكلهم بعد القلى بس الموبايل كان خلاص تعب 
خلاص كده انتى جهزتى اللحمه وجهزتى الخضار
تجيبى الحليب والبشاميل ولو مش عندك مثلا اكياس فوريه انتى ممكن تعمليه
3 ملاعق دقيق و3 ملاعق زبده على النار مع التقليب وتحطى عليهم كوبايه حليب على نار هاديه
وكل واحده وطريقتها 
نجيب بئا الصينيه وتحطى فيها معلقتين من خلطه البشاميل فى الارضيه بتاعتها وبعدين تحطى نص البطاطس ونص البصل ونص الفلفل
وبعدين تحطى اللحمه المفرومه كلها
وتكملى بقيه الخضار وبعد كده انا ضيفت الجبنه المبشورة ((الشيدر مكان الموزاريللا ))
شكلها طبعا مشهى وجوزى كان عاوز ياكلها من غير بشاميل
وبعدين يا وردتى تضيفى البشاميل لحد ما يغطى الخضار بتاعتك ويبقى شكلها كده
وندخلها الفرن عشر دقايق على نار هاديه ولحد ما تحمر والجبنه تسيح ويبقى شكلها يجنن زى كده
وبالف عافيه على قلوبكم وعليا انا وزوجى
وسامحونى على التقصير والتصوير اللى مش اد كده 
واخيرا وليس اخرا
استودعكم الله الذى لا تضيع ودائعه
وااااااااااااااااااااااااااااااو
شكلها لذيذه جدا
تسلم يدك يا قمر
وحمد لله علي سلامتك
تقبلي
مروري وتقيمي يا لغلا
يعطيج الف عافيه
تهلعت من قلب الله يسامحج ههههههه
والف الحمد لله على سلامتك
واكيد الطبق بيكون روووووووعة وغير شكل طالما بمشاركة من زوجك
الله يديم عليكم الحب والمودة
واحلى تقييم ياقمر
وحالاً الوسام
وياريت تحاولى تكتبى اسمك ياقمر على الصور
طريقه الكتابه على الصور لورداتنا الغاليات
رووووووووووووووووووووووووعه طريقتك
كتيرطيبة
تقييمي واعجابي