ريجيمي عل كيفي من غير اي ضوابط وقوانين

مرحبا بنات .. كان وزني 60 والحين وصل ل56 بفضل هالريجيم …

أنا بصراحة جربت انواع كثيرة من انظمة الريجيم بس ما قدرت اكمل وحسيت بتقيد لما اتبع هالريجيمات الصارمة او حتى لو ما صارمة بس فيها تقيد ما اطيقه …

وجاتني فكره اني اعمل لي ريجيم خاص اني اولا ما استعجل اني اوصل للوزن المطلوب وثاني شي اخلي هالريجيم نمط حياة ممكن اتبعه من غير ملل … وثالث شي والاهم اني اكتب اي شي يدخل بطني,,,

يعني اعمل جدول فالاكسل شيت
واحط فالجدول ايام الاسبوع واحط فيها لكل يوم 5 خانات الخانة الاولى تكون الافطار والثانية تصبيرة والثالثة الغدا والرابعة تصبيرة والخامسة العشا ………..

واحط فيه الوزن الحالي والوزن المطلول الوصول اليه بس مو شرط انك تتكاسلي لما ما توصلين لوزنك المطلوب بالعكس استمري تعملي هالجدول اسبوعيا …….

والحين جا دور الاكل .. لازم توفرين عندك الخبز الاسمر وكورن فليكس خاص للدايت وشوربات جاهزه وبسكويت خاص للدايت وروب وحليب قليل الدسم واشياء مثل هذي ………. يعني لما تجوعي ما راح تحتاري شو تاكلي …. ولا تنسي الفواكه والخضروات

وعاد تفنني في اكلك وفي كل مره اضطريتي تاكلي شي غلط مثل شوكولا او كيك راح تكتبينه فالجدول بس بخط احمر عساس تحسي انك عملتي شي غلط وماراح تكررينه فجدول الاسبوع التالي .. بس هذا ما معناته انك تحرمي نفسك ممكن تاكلي بس بكمية جدا قليله ..

انا بديت اختار الي يناسبني من الاكل يعني افطر مثلا كورن فليكس والتصبيرة تكون بسكوت والغدا سطلة تونة او سلطة مع بيض مسلوق والتصبيرة الثانية راح تكون مثلا روب خالي الدسم والعشا شوربة مثلا بس اهم شي عدم التقيد يعني كلي الي تشتهينه وبعد ما تاكلي ممكن تكتبينه فجدولك يعني بدون قيووووووود … وبكذا راح ترتاحي من الانظمة الي انت كنت تتبعينها … واذا اضطريتي تتعشي برا فاختاري الوجبات القليلة الدسم ..

انا مرتاحة وايد من هالدايت وخسيت بس براحة من غير تعب وشريت لي جهاز اوربتراك فالبيت استخدمه لما يكون لي مزاج من غير تقيد ………….

هالشي صار نمط حياتي يعني صرت ما احب اكل المقالي والاكلات الدسمة لاني معدتي صغر حجمها وما تتقبل الا الاكل الخفيف ………

ياريت كل وحدة تجرب هالنظام وتقولي شو صار معها ………….ولا تنسوني من دعواتكم

بالتـــــــــــــوفيق حبيبتي لج دار

الله يعافيك اختي وربي يوفقك

بس عندي سؤال

1 شو يعني تصبيره؟

2 كم اخذتي من وقت حتى نزل وزنك؟؟

السلام عليكم
نظام مفيد وصحى انا كمان متبعه نظام مثل نظامك لكن زيد عليه الرياضه وافضلها على الاطلاق المشى
لا للحرمان والتقيد ونعم لنطام صحى طول العمر

بالتوفيق غاليتي دار

نظاامك حلو وصحي

والله يوفقك يارب ^_^

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.