تخلص من الكرش من غير ولا قرش 2024.

السلام عليكم ورحمة الله وبركاتهدار
طبعا الكرش عبأ كبيراوي علينا وطبعا الكلام للستات والرجالة

والتخلص منه مريح جدا ضمن التخلص من اعباء الحياة دار

وكفاية علينا عبأ توفير لقمة العيش واللهث المستمر وراء الحياة دار

يعنى مش عايزين أعباء إضافية

علشان كدة عايزين نعلنها سويا
دعوة للتحرر
من ذلك الذى نحمله أمامنا أينما ذهبنا

فهيا نعود فراشا دار
بكام ياترى ؟
ماهى ما فيش حاجة اليومين دول من غير فلوس
أبدا من غير ولا مليم
تخيلوا
بس التمن حاجة تانية خالص

التمن إرادة
التمن إلتزام
والإرادة طريق السعادة
المهم
العلاج المجانى ده عبارة عن ايه ؟
هنقوله كدة عنواين وبعدين نرجع نشرح

1.وقاية
2.مشى
3.تمارين رياضية
4.عوامل أخرى طيب ممكن تفسرى

حاااااضر

أولا الوقاية خير من العلاج مبدأ متفقين عليه
إن أفضللى 100 مرة إنى أتجنب الأسباب قبل حدوث النتائج
يبقى الوقاية هنا معناها تجنب الأسباب

أسباب ؟
هو الكرش ليه أسباب ؟

أيوة ……….
نقولها كدة كنقاط علشان ما نطولش *
1.دهون مترسبة فى الجدار الأمامى للبطن
أو مترسبة فى الأحشاء الداخلية مسببة لكبر حجم المعدة والأمعاء
وطبعا ترسب الدهون ده سببه نفس أسباب السمنة (عادات غذائية خاطئة )

2.عادات غذائية خاطئة
الإكثار من الوجبات السكرية والنشوية والدهنية
الإستعجال فى الأكل يؤدى إلى إبتلاع الهواء وبالتالى تضخم المعدة والأمعاء.
كثرة شرب الماء والمشروبات الغذائية أثناء الوجبات
التركيز على تناول وجبة واحدة دسمة فى اليوم وإهمال باقى الوجبات بهدف التخسيس مثلا.
النوم بعد العشاء مباشرة
عدم تنظيم أوقات الوجبات
التغذية العشوائية للحامل وعدم ممارسة الرياضة أثناء الحمل وبعد الولادة.

3.عوامل اخرى :
قلة الحركة والخمول وكثرة النوم والإسترخاء والكسل.دار
التدخين والشيشة تؤدى إلى دخول الهواء فى الأمعاء.
أمراض القولون وتجمع السوائل فى التجويف البطنى .
رفع الأشياء الثقيلة بطريقة عشوائية تؤدى إلى هبوط المعدة والأمعاء.
كبر السن يؤدى غلى ضعف العضلات.
ضغوط نفسية أو قلق يؤدى إلى إلتهام كميات كبيرة من الطعام.
إن كانت هذه الأسباب
إن تجنبناها
فمن اين ينمو الكرش ذلك العزيز؟؟؟؟
ثانيا المشى

إن كان على أنا نفسى أكتب المشى أولا
او نفسى أكتب المشى ثم المشى ثم المشى
ولكن ما باليد حيلة
اللى أنا عايزة أقوله إن المشى
مهم
ويمكن من غيره الموضوع كله ما يبقاش جايب همه
ونخللى الكرش مكانه أفضل
طيب ليه مهتمة سعادتك بالمشى قوى كدة
لإنه مهم
مهم إزاى ؟

دار:مهم لإنه بيحرق لحضرتك 300 سعر حرارى فى الساعة لو ماشى بسرعة متوسطة ولو مديت الخطاوى حبة هيبقوا 350 سعر حرارى فى الساعة الواحدة .
دار:مهم لإن فائدته بتفضل ممتدة لمدة يومين او اقل حبة لإن العضلات بتفضل منقبضة فى الفترة دى والإنقباض ده بيحرق فى الدهون.
:دار:مهم لإنه بيقوى عضلات البطن والفخذين .
:دار: مهم لإنه بيساعدك فى التخلص من ترهلات الجلد فى منطقة البطن
:دار: مهم لإنه بيفيد فى علاج المضاعفات الناتجة عن الكرش زى إرتفاع ضغط الدم ونسبة الكولستيرول.
يااااااااه قد كدة مهم
لأ
ده مش مهم بس
ده أفضل دواء مستخدم
ايه ياأفندم …بتقولى دواء؟
أيوة
دواء
وطالما دواء يبقى لازم له جرعة ومواعيد وطريقة إستخدام
ولو ما إتمشاش عليهم هيفقد صلاحيته كدواء

الجرعة :
ساعة فى اليوم
كتيييير
معاكم حق
لازم الوقت يقل حبة
خلاص على الأقل 3 مرات فى الأسبوع
وأكرر على الأقل
المواعيد: والمعدة فاضية
أفضل وقت بقى فى الفجر أو بعد العشاء ب3 ساعات
وبصراحة بانتهزها فرصة
وأهمس فى أذن إخوتى
أن يذهبوا لصلاة الفجر مشيا فى مسجد بعيد عن البيت بمسافة كافية
فيبقى كدة اتنين فى واحد
كل خطوة عليها ثواب ويبقى مشينا
رياضة الروح والبدن
[COLOR="DarkOliveGreen"]وبشر المشاءين فى الظلمات بمنابر من نور يوم القيامة .[/COLOR]

طريقة الإستخدام بس ياريت قبل ما تقروها ماحدش يقول والله البنت دى عقلها فيه حاجة
والله انا بريئة
الكلام ده مش بتاعى
وما ينوب المخلص إلا تقطيع هدومه
أنا باقول كدة لإنى أول ما قريت المفروض نمشى إزاى إندهشت وفغرت فاهى (فتحت بقى يعنى بالعربى ) وقلت مين اللى هيعمل كدة
بس حسيت إن كل حاجة ممكن تيجى بالتعود ولو أنا حطيت الطريقة فى دماغى يومين تلاتة هاتعود عليها
بلاش لك بقى وأدخلى فى المفيد
حااااضر
آسفة
هو فى الحقيقة فى شروط لإستخدام المشى كدواء

إمشى إمشى إمشى وما تقفش إلا وإنت فعلا حاسس إنك مش قادر تكمل (يعنى مش تمشى خطويتين وتقف تتفرج على الناس اللى رايحة واللى جاية وبعدين تمشى تانى
علشان تقف بعد خطوتين تشترى ترمس وفول سودانى ).:دار:

وسع الخطاوى كإنك بتجرى جرى بطئ

حركة إيدك تبقى عكس حركة رجليك يعنى رجليك اليمين قدام تبقى الإيد اليمين بتطوح لوراء والرجل الشمال وراء يبقى الإيد الشمال بتطوح لقدام.

أن ظهرك يكون مفرودًاً أثناء المشى حتى لا يسبب بروزًاً في منطقة البطن.

أن يلامس مشط القدم الأرض قبل الأصابع والكعب.

أن يكون المشى بصفة منتظمة.. ويتم زيادة مدته تدريجيًا.

وكفايه كدة عليكوا انهاردة عشان شكلكوا كدة نمتوا مني خخخخخخخداردار

داركلااااااااااااااام راااااااااااااائع وبججججد مفييد جدآ جدآ :دار

شكرا ياعسل عالمعلومات القيمه دار

والمجهود الطيب وكلامك صح 100%…

دار

العفو ياقمر شكرا اردك

دار

حببتى تسلمى على كل الكلام المفيد ويارب كل الناس تعمل زى ماقلتى

مششكوره حبيبتي عن جد نصائح روعه ومفيده كثير
يعطيك الف عافيه غاليتي

كلام سليم 100%
تسلمي حبيبتي على المعلومات القيمة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top