تجربتي مع الريجيم من 93 لي 63 ! 2024.

الــــــــــســــــــــــــــــــــــــلام عــــلـــيــــــــــــكــــــــــــم
شلونكم يا بنوتات ياحلوين

اليوم هو اول يوم ادش فيه هالمنتدى وماشالله وايد عجبني
وهذا اول موضوع لي بمنتدى ريجيم

وحبيت اكتب عن تجربتي مع الريجيم

السنة اللي طافت كان وزني 93
و كان الكل من اهلي وصديقاتي يقول لي انتي متينة مو حلو عليج ولا زم تضعفين انتي توج صغيرة كان عمري 18
وما كان يهمني .. وكنت مستمرة بأكل الوجبات السريعة وجميع انواع الحلويات والمشروبات الغازية وكل ما يخطر في بالكم
الى ان وصل اليوم اللي اكون فيه في احد المجمعات التجارية وقد القى احد الشباب في المجمع علي كلمة جرحتني وايد
قالي " يالبطة " :'(

مع العلم انه كل اهلي وصديقاتي كانوا يقولون لي هالكلمة بس ما كانت تأثر فيني
ولا مرة احد قالي هالكلمة من شخص ما اعرفه
وفعلا اثرت فيني هالكلمة .

من لحظة ما وقع صدى هالكلمة في مسامعي .. قررت اني اسوي ريجيم في نفس اليوم وفي نفس اللحظة
مع العلم اني كنت رايحة المجمع التجاري مو عشان اشتري .. بس عشان اتعشى هناك في احدى المطاعم
وما تعشيت ولا كليت شي ومن هاللحظة سويت الريجيم

كان هالكلام قبل رمضان اللي طاف بجم يوم
خلال الجم اليوم اللي قبل رمضان ما كنت اكل شي غير الماي والروب وشابورة.. اول ايام الريجيم ما كنت اسوي رياضة.

وصار اول يوم رمضان .. وقررت اني امشي كل يوم

اول اسبوع من رمضان كان فطوري كوب لبن و 6 تمرات ونفس الشي بالسحور .. و كنت امشي ساعة وحدة بس
ثاني اسبوع كان فطوري تفاحة خضرة وماي و 6 تمرات ونفس الشي بالسحور بس ساعات ما اكل تمر بالسحور بس تفاحة خضرة .. وكنت ازيد وقت المشي خليته ساعة ونص
ثالث اسبوع الفطور كان تمر وماي ومرات لبن والسحور مثل الشي .. بس هالمرة زادت عزيمتي وزادت لياقتي اكثر وقمت امشي ساعتين >> انا اللي شجعني اختي اللي اكبر مني الله يخليها لي كان تمشي معاي وكنا نسولف وما نحس بالوقت
وظليت على هالحال ليما خلص رمضان .. وصار وزني 74 .. نزلت 19 كيلو خلال شهر واحد وجم يوم بس .. وبالعيد صار جسمي اينن والله

صج متروسة شوي بس جسمي كان مشدود وما يبين .. !
وبفضل الله صغرت معدتي وايد .. وما قمت اشتهي اكل مثل قبل .. لاني حبيت جسمي ورشاقتي ولياقتي اكثر من الاكل
وقلت بكمل الريجيم .. بصراحة ما قمت اكل شي غير الاناناس والكيوي والتفاح الاخضر .. كانت ارادتي وعزيمتي جدا قوية
وظليت هالحال اسبوعين تقريبا .. بعدين قمت اكل سلطات مع الصلصات عادي ومرات يكون بالسلطة اجبان او دجاج ..!
ودشيت نادي صحي ..لما سجلت بالنادي الصحي كان وزني 69 .. سجلت فيه شهر واحد بس .. كان اكلي خفيف .. الخبز الاسمر والسلطات وكل شي light .. و Low fat
وخلص الشهر .. وطلعت من النادي كان وزني 63 ..!

كنت الحمدلله وايد وايد وايد مستانسة من الانجاز اللي حققته .. من كان وزني 93 صــــار 63

وظليت على وزني جم شهر لين صارتلي ظروف صعبة وتعبت حالتي النفسية وانا اذا تعبت نفسيتي بس اكل .. اكل .. اكل

>>الحمدلله على كل حال ..!

واهملت الرياضة وكل شي .. والحين بعد رمضان هالسنة هذي صار وزني 73 :'(

انشالله باجر راح ابدى ريجيم ..!
وابي ارد حق ارادتي وعزيمتي اللي قبل.

ادعوووووووووووووووووولي بناااااااااااااااااات الله يخليكم

واسفة اذا طولت عليكم .. مشكوريين حبايب هارتيدار
جااااااااو دار

الف مبرررروك

دار

بس انتى نسيتى تقولى كااام طولك؟

انشالله حبيبتي توصلي للوزن الي تريدينه

شي حلوووو بلمرة دام بـ 3 شهور وكم يوم انجزتي هلانجاز وحافظتي عليه

حوالي 10 شهور شي حلو ماشاء الله كملي كملي ولاتوقفين ونحنوا وراك وكل ماتغرزين طلعناك 🙂

الله يوفقك وتوصلين للي تبينه

ألف مبرووووووووووووووك
أن شاء الله توصلي للوزن المثالي

بسم الله ما شاء الله روعه
الله يعطيك العافيه
حمستيني انه انقص وزني
مااريد انزل كثير 6 او 7 كيلو
بس اهم شي بصحه وعافيه

دار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top