بنات مين تصاحبني في رحلتي للرشاقة انا ودكتورتي حبيبتي

  • بواسطة

السلام عليكم ورحمة الله وبركاته
حبيباتي كيفكم
أنا عضوة جديدة في هالمنتدى الرائع
انا كنت متابعة لكم بصمت من فترة لكن هالمرة أنا قررت أنحف وأبيكم معاي خطوة بخطوة عشان كذا سميت نفسي "لحظة تغيييييييييير" لأني عزمت بحول الله..
أنا وزني كان 95 ولله الحمد في رمضان نزلت كيلوين مع التخفيف يعني أنا الحين 93 والوزن المثالي لي بين ال54 وال60 لأن طولي 164 وفصيلة دمي a+ وعمري 25 سنة..
المهم
أنا رحت لدكتورة وعطتني ريجيم صحي ومدروس مررة عجبني ووعدتني إنو بحول الله لو اتبعته بحذافيره راح ينزلني من 8 إلى 10 كيلو خلال أسبوعين ولازم أكمل عليه ست أسابيع عشان أكون قربت من وزني المثالي وبعدها أبدأ برحلتي مع التخفيف..وماراح أنزل ريجيمي إلا لمن نصير قروب حلوين..
المطلوب منكم يا حلوات أو عفوا..هو في الواقع رجاء منكم ..إنو تكون معاي وحدة أو ثنتين في يومياتي ونتبع الريجيم سوا من 2يوم بعد عيد الفطر المبارك ونشجع بعض من غير أي تخبيص ونقيس في نفس اليوم اللي نتفق عليه..وبتكون دكتورتي متابعة لنا وتزودنا بالنصايح اللي نحتاجها..لأني من جد مليت ونفسي أصير رشيقة وأعيش من غير ما أكون متضايقة من جسمي..
بنات اللي بتقول إنها معاي لازم تكون إنسانة أمينة وتخاف الله وتحافظ على وعدها وكلمتها وتدخل كل يوم معاي لأني من جد محتاجة مساندتكم وكلنا لنا نفس الأسباب للسعي للرشاقة اللي لخصتها أخت في منتدى ثاني وأنا نقلتها لكم الحين هنا ..خلونا نخليها حافز لنا وشي نذكر أنفسنا فيه كل ما ضعفنا وإرادتنا ضعفت..
1- الناس تحكم على السمينة بإنها إنسانة ما عندها إرادة ولا لها سيطرة حتى على جسمها اللي هي تملكه..
2- نظرات الناس في الجمعات لو أخذت قطعة حلو باكلها ما ترحم كن عيونهم تقول "وقفي أكل..كل هالجسم ولسه تاكلين"..
3- التسوق بالنسبة لي مأساة ..ما أقدر أشتري إلا من محلات محددة وإن وجد اللبس المناسب فلازم تدفعين دم قلبك..
4- نفسي أتخلص من السؤال المحرج اللي أسأله بياعين المحلات " لو سمحت كم أكبر مقاس من هالقطعة؟؟ أو مافيه مقاس أكبر من كذا؟؟" وأتخلص من نظراتهم اللي كلها إزدراء لي لما يردوا علي..
5- الوقوف أمام المرأة عندي هو فرصة لتحطيم النفسية وبس ..وعلى الرغم من مدح الناس جمييييييييع لأناقتي إلا إني عمري ما حسيت بجمال أي شي علي..
6- نفسي أتخلص من نظرات وتعليقات الأشخاص المرضى اللي طول الوقت بس تتشمت بالناس وما عندها الا التعليق السلبي وبس ولا يهمتون لو أن الكلام بيجرحك أو يؤذي مشاعرك حتى لو قدام جماعة مو لحالكم..
7- فيه تفرقة بين النحاف والسمان حتى في مجال العمل وانكسر ظهري وأنا أداوم بالكعب في محاولة يائسة مني إني أظهر خصر لو بالكذب..
8- فيه ناس ناقصة همها بس تطلق ألقاب عليك وما تناديك الا بألفاظ تجرح من باب المزح والميانة..
9- انخطبت في حياتي مرة وحدة لا وبعد يوم كنت نحيفة والحين الكل لما يشوفني يقول "كم صار عندك من عيال؟" عشان كذا ما انخطب أبد..
10- ما عندي ثقة بنفسي وأحس بإحباط وضعف دايما وأحس بغيرة شديدة من اللي أجسامهم حلوة أو اللي كانوا بمثل حالتي ونحفوا وأقعد أذكر الله عليهم خوف تصيبهم عيوني..
11- شراء الملابس الداخلية في قمة الأحراج و لا تنسون نظرات البياعين..
12- لما أفكر بالزواج ..يجي على بالي أنو أنا مش ممكن أجذب أحد وأنا بهالجسم وعلى فرض أني تزوجت كم بيصير وزني بعد الزواج؟ وممكن تصير لي مشاكل مع الحمل والسبة هالموضوع>>تجهز الدوا قبل الفلعة بس الأحتياط واجب..
13- ما عندي حياة أجتماعية والسبة هالمشكلة..أتهرب من التجمعات وأتهرب من الزواجات خوفك أحد من اللي كانوا يعرفوني أول يشوفني ويعلق تعليق يجرحني لأنو مرة وحدة قالت لي بعد ما انقطعت عنها 4 سنين وشافتني " شفيك كذا انفجرتي..أكيد تزوجتي.. وريني عيالك الحين..والا تاركتهم عند أبوهم؟؟""
14- شكلي أكبر من كل خواتي ويحسبوني بكر أمي..
هاه بنات وشرايكم..لا تنسوني أبي ناس نفس عمري ووزني تقريبا عشان نكون سوا..بانتظار ردودكم؟

حبيبتى والله كلامك صح

وهذه معنتنا كلنا

انا حبيتك وشايفه ان معك عزيمه

انا مستعدة اكون معاكي

انا طولي 158

وزنى كان 91 بس من بدايت رمضان وانا اعمل رجيم والحين صار وزنى 88

وابغى اوصل 55 او 50

يعنى اشوف انوا احنا متقاربين

وش رايك وانا مستعدة ابدا من ثانى ايام العيد

لان اخي رح يتزوج بشهر 3

وما ابغى يجي وانا بها الشكل واهم شي ابغى اتمتع بحياتى

مرحبا وانا معاكي كمان انا طولي 170 ووزني 79 ونفسي اصير 65 انا معاك واكيد من متى بدك نبدا

انا عمري 24 ومتلك ما بنخطب اساسا خليها على الله

ياقلبي كانج تتكلمين عني

خلاص حبيبتي انا ببدا معج من اليوم ان شاء الله
بنستمر ع الديت اللي عليه خلال هالكم يوم برمضان وبعده بنمشي على اللي تقوله الدكتورة
اسمي امونه
عمري 25 سنه < لا متزوجه ولا مخطوبه والحمدلله جميله بس هالسمنه معقدتني
وزني حاليا وصلت 99,5 وودي اوصل لـ 62 او 60

:wubالله يوفقكم حبيباتي و ينولكم اللي في بالكم و توصلوا للوزن اللي حابينوا والله يجازيكم خير. بس حبيباتي شو هو الريجيم اللي راح تمشوا عليه بركي بجربوا بعد العيدداردار.
موفق بإذن الله … لك مني أجمل تحية . دار

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.