بطاطا بالدجاج دايت 2024.

عملتلكم اليوم بطاطا بالدجاج والخضار للدايت حقيقي مرررا طعمة والكل حيحبها
جربووها ما حتندمو

المكونات :
– بطاطا مسلوقة على حسب الكمية
– صدر دجاج مسلوق
– حبة فلفل رومي
– جزرة
– زبادي لايت
– 3 ملاعق جبن سايل لايت
– جبن بارميزان او تشيدر او موزريلا
الطريقة :

– نطبخ الدجاج معا بصلة مفرومة و الجزرة المبشورة و الفلفل الرومي ونحط بهارات مشكلة و شويا كاري وكمون ونعصر ليمون عليها

– نهرس البطاطاس و نحط ملعقة ونص جبن سايل ونقلبها مزبوط

– نحط الزبادي و نقلبو كويس ونحط فوقو الجبن السايل ( ممكن نستبدل الزبادي بقشطة )

– دحين نحط نص كمية البطاطا في صينية و نزبطها ونضغطها كويس بالملعقة

– نحط ملعقتين من الصوص اللي عملناه و نوزعو ونحط كمية الدجاج كلها فوق ونوزعها برضو .

– دحين نحط باقي كمية البطاطا ونوزعها كويس ونعمل فرغات صغيرة بالسكين عشان تتشرب الصوص وما تجف .

– نحط الصوص كولو و نوزعو بالملعقة .

– نوزع الجبنه من فوق .

ودحين ندخلها الفرن وتنحط على درجة حرارة اعلى من المتوسط ولما تحمر من فوق نخرجها .

الشكل النهائي

حقيقي طعمة وتستاهل بؤوكووو

وعملت جنبها سلطة طماطم وجرجير وبقدونس وليمون

الف هناء وعافية عليكم