حبيبتي انا بنتـ ابوها المشرفه
كيييف الاسم بنتـ ابوها وبنت ابو متعب
هههههههههههههههههه
المره الجايه بحط بنت منتدى رجيم
..
حبيبتي انا وزني اليوم بالضبط 111.8
مصييبه وربي ان شاءالله اقدر انزل تحت 100
اي سؤال انا حاضره
هههههههههههه هلا والله بالمتخفيه p:
يارب عقبال مانفرح فيك
طيب قلبو راح نبدأ يوم السبت ان شاء الله
اكتبي لي ايش الاكلات اللي تحبينها والاكلات اللي ماتحبينها
اكتبي بشكل عام روتينك اليومي
ابغى اخذ فكره عن طريقه اكلك ونظامك
بالنسبه لنظامي
انا ادرس فافطر على توست وجبن او توست وبيض مسلوق
مع عصير او قهوه بس اكثير شي القهوه
..
في الجامعه مرات اخذ قطعة شوكولا
يا كت كات او توكس او سنكرز
لان دوامي طويل وماعندي بريك عشان افطر
ومرات يكون معاي في الشنطه عصير واشربه واكتفي
..
لما ارجع من الجامعه انام ماا اكل شي
اصحى العصر او المغرب
اخذ اي شي قدامي
اكل شوكولا قهوه او شيبس مع عصير
والاغلبيه اخذ توست وجبن
اطلع امشي ساعه او ساعه ونص في الممشى
او اسبح ساعه
بس الفتره هذي موقفه سباحه فقط امشي
العشا يكون المطبوخ
رز ودجاج او معكرونه او صينيه خضار مع لحم مفروم
ومرات اخذ زبادي وصدر دجاجه وعصير
ومرات وربي ماا اخذ شي بس اشرب عصير اناناس
..
في الويكند
نفس النظام بس العشا يكون دببببببببببببل 
لان اكون طالعه ياا معزومه او في مطعم
فوز …… الحين لما كتبت روتيني تصدقين استوعبت انا ماا اكل شي مفيد !!!
.
.
نشاطي ماشاءالله امشي كثيرررر
من غير مشي الجامعه امشي كل يوووم مشي ساعه ونص او ساعه وربع اقطع 5 كيلوو
ومع هذا سمييينه ووزني ماا ينزل
..
انا احب الفواكه بالاخص
والخضار ماعدا الكوسه
احب الخضار المسبكه
امووووت على شي اسمه خبززز ومعكرونه وشبيس وشوكولا خصوصا لما يكون مع قهووه اكل لحد ماا احس بنفجر
ومن اكلهم من بكرا اوقف على الميزان وزني زايد كيلو او كيلوين
يوميا لازم اشرب كوب الى كوبين شاي اخضر
وكل يومين اخذي لي 3 اكواب قشر قهوه وزنجبيل
هذا روتيني
ادري بتنصدمين
ان شاء الله يابنت ابو متعب
بيصير نقطه تحول في حياتك للافضل مع هذا النظام
اهم شي لايخطر ببالك ان هذا رجيم
هذا نظام صحي تعديلات صحيه
احيانا نشعر نفسيا بالجوع لمجرد التفكير بانك تتبعي رجيم
الرجيم اللي كتبته لك يحتوي على 5 وجبات في اليوم ويدعم مناعتك ويحتوي على جمسع العناصر الاساسيه لك
اتوقع تنقصي 5 كجم اذا اتبعتيه بحذافيره
انتي قلتي انك تعاني من حساسيه
اي وجبه تسبب لك حساسيه خبريني عشان اغليها واضيف لك بدل عنها
بسم الله
من السبت الى الاربعاء
مع صلاه الفجر
اشربي 6 اكواب ماء ابدأي بالتدريج
اول يوم كوب وثاني يوم كوبين وهكذا مع ملعقه عسل
الافطار :
بيض مسلوق + توست بر + شرائح خس وخيار وطماطم
أو
كورن فلكس بالشوفان الخاص بالرجيم صحن متوسط مع نصف كوب خالي من الدسم
او
صحن سطله فاكهه او سلطه خضار
بالاضافه الى شاي الشمر
\
وقت الجامعه الساعه 10 ص :
خذي معك 24 حبه من دوار الشمس او بذور القرع او لوز وجوز اذا كنتي تعانين من حساسيه اتجاهها الغيها
\
الغداء
صحن صغير شوربه عدس او شوربه خضار
او
4 ملاعق رز يفضل يكون بني + دجاج او سمك يفضل مشوي
او
بطاطس متوسطه مهروسه وضيفي لها ملعقه زعتر
او
سلطه تونا
بعد القيلوله
عصير خضار مهمه
( كرفس – خيار – سبانخ – خس – نعناع – بقدونس وليمون لاضافه الطعم وربع كوب ماء توضع في الخلاط )
وممكن تغيري الخضار وتختاري الانواع اللي تحبيها المهم تكون 5 انواع
العشاء 8م
الوقت مهم جدا ولو يكون 7 افضل كثير
خضار مسلوقه
اختاري نوعين
او
ساندوتش خبز بر بالبيض المسلوق او دجاج مسلوق
او
اذا متوفر شوربه من وجبه الغداء
قبل النوم اذا شعرتي بالجوع
ممكن تاكلي
تفاحه او عصير خضار او 3 تمرات
طبعا انا ماحددت لك الوقت للمشي بما انك شاطره في المشي فانا مرتاحه من هالناحيه
المهم تمشي لمدة لاتقل عن 30 دقيقه في اليوم
وانتي اختاري الوقت المناسب لك
على فكره مشي المشاوير لا يحتسب
ضروري تمشي بخطى ثابته وبهروله حتى تشعري بنبض قلبك يزيد ويتعرق جسمك قليلاً
هنا تعرفي ان جسمك استفاد
في وصفه جدا رائعه اتنى تمشي عليها
قبل كل وجبه رئيسيه اشربي كوب ماء مغلي مضاف له
زنجبيل – كمون – ليمون – شاي اخضر بمقدار ربع ملعقه لكل منها
بينحف الخصر في فتره اسبوع راح تلاحظي وبنفس الوقت يسد نفسك عن الاكل
اي ملاحظات او تعديلات انا هنا من اجل عيونك 🙂
بالتوفيق
بخصوص جسمك
كتله جسمك 44 والطبيعي 25مابين و20 🙁
سنه 2024 بتكون سنه الوصول الى الهدف
وبتذهلين العالم بتحقيقك الهدف
انا في قمه حماسي معك وانتي ؟
اهلا حبيبتي فووز
تسلمين حبيبتي والرجيم حلوو اعجبني
بس عندي استفسار
ايش السبب اكلها ؟؟ اخاف يسمني
والقهوه اقدر اشرب لو كوب صغير قليل السكر او سكر دايت ؟
وعصير الاناناس اقدر اشرب منه قبل النوم لو حسيت بجوع ؟ هو فرش بدون سكر
وايش هو شاي الشمر ؟
والنظام مافيه اي شي يسبب لي حساسيه
