انتي متينة ونفسك تنحفي <خذي كلمتين على راسك وبعدها بتنحفي 2024.

السلام عليكم

بليييز مشرفااات لا تنقلوا الموضوع لانه
ايضا يخص الحياة الاسرية
قبل ابدأ موضوعي .. انا بعد ولادتي زاد
وزني كثيييير … وبالعزيمة والارادة نحفت
كثير.. يعني اول كان جسمي زي الهام
الفضالة وبعد ما نحفت تقريبا وصل
جسمي زي زينب العسكري وباقيلي كم
كيلو حتى اوصل للوزن المثالي… يعني
مستحيل اطرح موضوع وانا ما غيرت في
نفسي شيء
بلييييييييز بنات قولوا <ماشاء الله تبارك
الرحمن>
طبعا الكل مننا يتمنى ينحف ويصير
رشيق … طيب متى ان شاء الله ؟؟ متى
نحقق امنية صار شبة مستحيل تحقيقة
؟؟
اذا انتي ما عندك عزيمة واصرار … اذا
انتي ماعندك تحدي وارادة … مين بيكون
عنده عزيمة … لا امك ولا ابوكي
بيساعدوكي لو انتي ما غيرتي
نفسك …مين بيغيرك؟؟ حتى لو زوجك
يدخلك اكبر نادي … ويوديكي اكبر دكتور
اخصائي تغذية .. وانتي ماعندك
عزيمة … معليش والله ما راح تنحفي ولا
بتحققي اي شيء ..

اللي تبغى تنحف … بتنحف من غير نادي
ولا دكتور .. لكن احنا عم نضحك على
نفسنا … ونتهرب من الوااااقع … ودايم
نعلق اخطائنا على الغير … وحدة من
اخواتي تقول لأمي لو توديني كل يوم
امشي نص ساعة كان نحفت … والثانية
تقول انا ما انحف الا اذا رحت لدكتور
يعطيني ريجيم لأنه لوحدي ما اعرف … لا
ياشيخة انتي وهي ؟؟…. والله لو تبغوا
تنحفوا بتنحفوا من غير شيء وتقدري
تدوري على البديل >>>> مقهورة من
اخواتها
يعني بدل المشي نص ساعة اطلعي
الدرج 20 مرة باليوم 10 بالنهاااار و10
بالليل والله ينحت جسمك نحت والدرج اقوى من المشي وانا
مجربة …خاصة من تحت
وبدل الدكتور .. افتحي على النت ودوري
اي ريجيم يناسبك وفي قروبات لبنات
بيعملوا تحدي ويشجعوا بعض …

اذا تبغي تحطي عزيمة وتحدي في
نفسك.. عاملي نفسك بكل جفاء
<عشان مصلحة نفسك> لا تجلسي كل
يوم تقولي بكرة ابدأ …بكرة اعمل … كل
وحدة فيكم توقف عند المرايا وتطالع
لنفسها بكل اشمئزاز .. وتقول لين متى
انا كذا .. لين متى وانا زي الفيل <لازم
تجرحي نفسك> ايش ناقصني عن
الباقيين … ايش ذنب الناس يتحملوا
منظري هذا …؟؟؟ ايش ذنب زوجي
يشوف الرشيقااااات في كل مكان وانا
بجسمي هذا كأني كبر امه ؟؟ خاصة اذا جاء
زوجك رشيق وانتي … ….دار؟؟
لا وكمااااااااان نزعل ونقول : ازواجنا
عيونهم زايغة … ما الومهم والله .. انتي
خليتيه يطالع لغيرك .. والله لو جمالك
يقطر في الارض .. ولو اخلاقك بلغت
عنان السماء وانتي زي الفيل …. والله
بيطالع لغيرك… الا اذا كان يخاف الله
ما بقي الا تربطي عيونه عشان ما
يشوف غيرك … طيب غيري نفسك .. اذا
مو عشان نفسك عشان المسكين هذا
اللي ربي ابتلاه بوحدة كبر أمه …
انتي ما تتمني تكوني زي السنيورة
وانتي تمشي جنب زوجك ؟؟ ما تتمني
احد يقولك هذا زوجك ولا ابوكي ؟؟ ما
تتمني احد يقولك هذولا بناتك ولا اخواتك
الصغاااار ؟؟؟ اكيد كل وحدة تتمنى
تسمع هذي الكلمتين .. طيب ليش
تحرمي نفسك من المدح ورفع
المعنوياااات …. ما آآن لكم يا بنات
تغيروا نفسكم وتبطلوا تقولوا بكرة ؟؟ ما
اشتهيتي تكوني فراشة خفيفة …
تتدلعي وتتغنجي …ما تعبتوا وانتوا
تتمنوا؟؟ متى تحققوا امنيتكم ؟؟ العمر
يجري والسنوات تمر بسرعة …الحقي
عمرك .. والله منجد يا بنات الحقوا
اعماااااركم … قوي عزيمتك .. لأنه مافي
ريجيم بدون عزيمة … اجرحي نفسك ..
اقسي على نفسك .. لا تتساهلي مع
نفسك … ترى التساهل هو اللي يعدم

الوحدة ..
ابدأي من دحين .. لا تنتظري بكرة.. قولي
خلاص من دحين اخفف اكل…. لا تفكري …
خلاص .. عزمي النية

-مرة سوا مقابلة مع هيفاء وهبي … ومن
ضمن كلامها قالت : مرة اشتهيت
بطاطس مقلي واكلتها … ومن زعلي
عاقبت نفسي سنتين <او 3 سنوات> ما
اكلت بعدها بطاطس مقلي …
على بالكم انها فنانة ومشهورة .. تاكل ما
لذ وطااااب ؟؟ جسم زي جسمها ما يجي
الا بالتعب والحفااااااااااااااظ …. مجتمعات
عربية واسيوية واوروبية …. بيحافظوا
على اجسامهم اكثر مننا … واحنا فوق ا
الاكل مفجوعين ..ما كأننا شفنا نعمة …
ترى الاكل ما بيطير …
اسألكم بالله وكل وحدة تجاوب مع نفسها
؟؟ لما مثلا تروحي مع زوجك السوق
وانتوا جنب بعض وتمروا جنب المرايات
الكبيرة وتشوفي نفسك جنب زوجك ؟؟؟
وكيف رايح شكلك كانك جدته … ساعتها
ايش شعورك من الداخل ؟؟؟ اكيد كل
زوجة متينة مرت بهذا الشعور ؟؟ ما
تتمني ترجعي البيت .. وتكرهي اللبس
وابو اللي صنع اللبس ؟؟ خاصة لما
تشوفي بنات رشيقااااات كل وحدة
تمشي جنب زوجها كأنها سندريلا
زمانها … ما تنقهري على شكلك ؟؟
يعني لا العباية مزبوطة عليكي … ولا
الطرحة مزبوطة عليكي … والشنطة
تتزحلق من كتفك من كثر اللحم المتراكم
على الكتف … مافي عظم يمسك
الشنطة … بالقوة تمشي .. منتي طايقة
نفسك … يا بنت الناس حتى لو زوجك
عادي ما يفرق عنده …ويقول جسمك
مافيه شيء … بس خلي وحدة
ممشوقة نحيفة تمشي من جنبكم حتى
لو ما كانت طويلة يكفي الرشاقة … والله
ساعتها بيقول لا جسمك ولا جسم اهلك
كماان … معليش يا بنات الجسم
والرشاقة مهمة ومطلوبة … لو الوحدة
تلبس خيشة حلو عليها لو تلبس
تيشيرت ب 10 ريال بيجنن عليها … لأنه
هي اللي حلت اللبس … لو بس تلبس
ساعة بدون اساور .. بتنطق الساعة من
ايدينها …لو تلف شعرها بطريقة
عشوائية بتاكليها من حلاتها …ولو وحدة
متينة واشترت السوق كلة … والله بيكون
عادي واقل من عادي عليها .. اصلا ثقتها
بنفسها بتكون معدومة … لازم تحس
بنقص في نفسها … خاصة اذا كانت مرة
مرة مرة نفسها تنحف … كل ما شافت
وحدة نحيفة في الشارع او
التلفزيووووون .. بتقول لانها نحيفة حلو
عليها … لأنها رشيقة لايق عليها …

انتي جربي تنحفي .. والله تتغير نفسيتك
وثقتك بنفسك 180% … واغلب المتينات
يكرهوا يطلعوا ويروحوا ويجوا عشان
الجسم … واللبس … صار الجسم عائق
كبير بينها وبين طلعاتها … حتى لو الوحدة
كانت اجتماعية .. الا ما تكون ناقصة ثقة
بنفسها … لو نحفتي بتتغير حياتك .. يصير
تحبي تحطي مكياااااج .. تحبي تصبغي
شعرك … تحبي تقصي وتغيري
ستايلك … لكن المتينة .. تحب كل شيء
بس مالها نفس تسوي من جوة
محطمة .. لا لبس حلو عليها .. ولا صبغة
بتصير وااااااو …. ولا مكياج بيلبق عليها
خاصة اللي تخنها بيكون كمان في
وجهاا .. يصير مافي اي معالم تضاريس
في وجهها .. لا كحل ولا بلاشر ولا روج
بيكون بارز في وجهها … وجهها كأنه
عجينة … مو محدد ….
ما تبغي تنحفي وتفرحي امك
واخواتك …؟؟ ما تبغي تفرحي نفسك؟؟
ما تبغي تكوني خفيفة في الفراااااش
<للمتزوجات>؟؟ ما تبغي تمشي زي
الفراشة وتنطي من خفتك … ما تبغي
تكوني اصغر من عمرك؟؟ ما تبغي
تطلعي الدرجة بدرجتين من خفتك .؟؟
ما تبغي .. ما تبغي .. ماتبغي …
خلاص اتغيري يختي… حاولي… اجهدي
نفسك… اغصبي نفسك… اقسي على
نفسك ….. ارمي كل الدهون والشحوم
من على جسمك … انحتي جسمك ….

اللي مو متزوجة … ترى الفرصة
قدااااامك كبيييييرة …. انحفي قبل
تنخطبي .. ابهري خطيبك … اهوسيه
بجسمك …. اصلا كيف بتنخطبي وانتي
متينة … والله بتقل الفرص عندك … يعني
لو كل سنة بيجيكي 3 من الخطااااب …
لو كنتي انحف بيجيكي كل سنة 10
خطاااااب … لا تقولوا اهم شيء الاخلاق
او الجماااال … ما اختلفنا الاخلاق اهم
شيء …. لكن برضوا الرجال يبغوا
جسم .. خاصة بعد حليمة والقنواااات
الفضائية … صاروا يفكروا في المظهر …

على الاقل … لو كنتي قليله
الجمال … ما يمنع انك تحافظي على
جسمك … ربي هو اللي خلق وجهك وما
تقدري تغيرية … لكن جسمك رهينك
انتي … انتي اللي تنحفية وانتي اللي
تتخنية …

يعني مثلا لا جمال ولا جسم ولا ثقة ؟؟؟
مو معقول يا بناااااااااااااات ….
عارفييين ؟؟؟ تدروا انه جمال الوجه انتي
اللي تظهرية حتى لو ماكنتي حلوة … انا
اقولكم كيف ؟؟؟
لو نحفتي … راح تحبي جسمك وتزيد
ثقتك في نفسك … صح ؟؟ طيب اذا
كنتي واثقة من نفسك وحبيتي
جسمك …راح تدلعي نفسك لأنك حبيتي
نفسك … واذا دلعتي نفسك راح تظهري
كل شيء حلو في نفسك وحتى كمان
في وجهك <حتى لو كنتي مو حلوة> …
اذا عندك خصر .. اكيد بتلبسي لبس يبرز
خصرك … ولو عندك صدر … بتلبسي
لبس يبرز صدرك … ولو كنتي نحيفة اكيد
وجهك بيكون محدد مو عجينة … ساعتها
بتدوري على معالم الجمال بوجهك …
يعني اللي مو حلوة لو تدور على شيء
في وجها .. بتلاقي يا حواجبها حلوة او
شفايافها او انفها .. او اقل شيء اوجانها
او عيونها … اذا حواجبك حلوة راح تبدعي
فيها … واذا شفايفك حلوة راح تبرزية
بأرواج حلوة … واذا عيونك حلوة راح
تبدعي في عيونك …
شفتوا كيف انه الثقة بالنفس تغير الوحدة
وتخلي اللي مو حلوة… حلوة بعينها
وعين النااااااس …. هذا غير الاعجاب و
والاطراء من الناااااس يخليكي تطلعي
فوق السحاااااااااااااااب …
المتزوجااااااااات … اللي عندهم تخطيط
يسافروا برة السعودية مع ازواجهم …يلا
شدي حيلك وانحفي … خليكي رشيقة ..
عشان ما تنقهري لما تشوفي
الاجساااااااام هناك … وانتي كأنك بطة ..
السفر يبغالة حركة وقومة وقعدة … ترى
باقي شهور على بال ما يجي الصيف …
تقدري تلحقي على نفسك … عشان ما
تتحطمي لما تشوفي اجسام البنات
هناك … خليكي احسن منهم … ليش؟؟
انتي رايحة تنبسطي ولا تقهري نفسك
وتجي؟؟؟ انحفي قبل تسافري عشان
تقدري تشتري جينزات وملابس عملية …
لا تشتري وانتي بالمنظر هذا … انحفي
قبل ما زوجك يعجب بأجسام البنااااات …
خليكي احسن منهم …زيدي ثقتك
بنفسك .. افتني زوجك .. امشي جنبه
كأنك صديقته مو امه ؟؟ لا تتصوري وانتي
بذا المنظر … اعملي حساب الصور اللي
بتعيش عمر اطول منك … قدامك فرصة
لسى الصيف ما جاااااء …
كل دولة لها نظام معين … الا الخليجين
حياتهم فوضى الا من رحم ربي … امريكا
وهي امريكا اللي فيها اكبر نسبة سمنة
بالعالم بتلاقوا كثير منهم
رشيقاااااااااااات ….

روحوا لأي دولة في العالم من امريكا
على استراليا على شرق اسيا …على
اوروبا … وادخلو السوبر ماركت وشوفوا
العربيات حقتهم … وشوفوا عربيات
الخليجين .. وانتوا تعرفوا ايش سبب
التخمة عندنا …
ما يشتروا اي شيء … وما يشتروا الا
بالحبة والعدد … كميات قليلة على
قدهم … ما رموا فلوسهم بالأكل
والشرب … لا تحسبوا انه ما عندهم
فلووووووووووووووووس … عندهم
فلوس بس وفروها في المنتزهات
والمنتجعاااااااااااااات والطلعاااااااات
والخرجااااااااااااات …. وهم اكثر شعوبا
يدلعوا نفسهم … وما خلوا بخاطرهم
شيء .. والسعودين ما تشوفي الا بس
رمي في العربية.. طراااااخ …. كثير مو
كثير خلاص صارت عادة الله يخلصنا منها
بس … واخر الاسبوع مو لاقيه الوحدة
قرشين تتمشى او تتفسح فيها … لا
تنكروا هذا الشيء يا بنات احنا السعودين
عندنا عادات سيئة لازم نتخلص منها
بالاجماع … لأنه الفرد بيتأثر بالمجتمع …
مهما الاهل يربوا … المجتمع له تأثير كبير
على الفرد … يعني لازم الواحد يكون
مدبر فلوسه لا اسراف ولا بخل … ما
بيجوا الاجانب احسن مننا لا ينطقوا
الشهادة ولا شيء .. وماشين على نظام
موحد .. ونظام صحي .. دايم ناخذ منهم
الاشياء البطالة ونترك الاشياء السليمة
فيهم … لكن هم ما اخذوا مننا اي
شيء .. اصلا ايش فينا شيء مميز في
حياتنا عنهم ؟؟؟

هذي الصورة في ملاهي ديزني اهم
شيء عندهم الترفيه عن نفسهم …
ماقعدوا يراكموا الشحوم فوق اجسامهم
دارهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 720×540 و بحجم 94KB.دار
وهذي ديزني في طوكيو

وحتى في الشتااااء يتمشوا ويرفهوا عن
انفسهم … واحنا عندنا الرجال ما يصدقوا
يجي البرد عشان ما يخرجونا
دارهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600×450 و بحجم 130KB.
دارهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600×450 و بحجم 130KB.
دار

رمضااااااان وما ارداك ما رمضان …
نصيحة يا بنات لا تسرفوا في الاكل
والمشتروات من السوبر… ترى نظام
العائلة وصحتها بيدك انتي …
مو لازم تكثري سمبوسة على الفطور …
يعني مثلا شوفي كم حبه بياكل زوجك
واولادك وانتي … وسوي ثاني يوم بالعدد
وعلى كذا …حتى لو قمتوا وانتوا مو
شبعانين … عادي مع الايام بتتعودوا …
زوجك على ما تعودية …والشوربة
حطوها بزبادي صغيرة وكل واحد شوربته
قدامة يخلصها … لا تحطي زبادي كبيرة
تعطي مجال اكبر انهم ياكلوا اكثر … ولا
تسوي حلا يوميا … حطي يوم واحد
بالاسبوع تسوا حلا … الحمد لله انا عن
نفسي انا وزوجي وبناتي 9 و 8 وولدي 4
سنوات اسوي 20 حبة سمبوسة من
الحجم الصغير وشوربة في زبادي صغيرة
وفول … وسمع الله لمن حمده
واذا عندي شغالة … يوم اسوي معجنات
ويوم لا .. والحلا اخر الاسبوع .. واذا
مافي شغالة .. يحلموا اسوي حلا
ههههه.. والله احيانا نقوم من فوق الاكل
واحنا لسى ما شبعنا … بس خلاص
اتعودنا … يعني بالله زوجك اذا جاه تخمة
او كلسترول من اللي بيتعطل مو
انتي …؟؟ لا يقدر يخرجك ولا يفسحك
ومرهق … ويبغاله اكل معين … واولادك
حرام عليكي تخليهم ياكلوا بدون
حساب … مو انتي امهم ؟؟ انتي تنظمي
اكلهم ؟؟ هم صغار ما يعرفوا مصلحة
نفسهم … لازم تحبي عيلتك عشان ت
تحافظي على عليهم وعلى اكلهم …
ترى زي ما قلت صحة عائلتك في يدك
انتي … انتي اللي تمرضيهم وانتي اللي
تحافظي على صحتهم …ولا مو ؟؟

هااااا … ؟؟ ايش صار معاكم ؟؟ ارتفعت
المعنويات عندكم واتقوت العزيمة ؟؟؟
طيب بتجي وحدة وتقول .. طيب كيف
ننحف ؟؟ او كيف نحفتي ؟؟
هو المسألة مو ريجيم قد ماهو نظام
غذائي طول عمرك تمشي عليه وهو
التقليل بالاكل … كل دول العالم تقلل من
اكلها .. يعني مو صعبه .. ومنها اليابان
اللي قال عنها احمد الشقيري <شعب
يستحق التقدير>
والله يا بنات لو مشيتوا على نظام
معين … ما تتعبوا .. وتتعودا .. انا واخوية
نحفنا مع بعض بسبب هذا النظام وهو
نزل تقريبا 20 كيلو <قولوا ماشاء الله>
انا ضد فكرة الريجيم .. لأنه ما احب اتقيد
بالاكل … وعلى فكرة ترى الريجيمات
اللي تعملوها اذا تركتيه راح ترجعي
واكثر من اول .. لكن التخفيف يثبت
وزنك … انا قبل فترة تركت التخفيف لمدة
شهر بس باكل بعقل طبعا .. بس زدت 2
كيلو وثبت وزني .. يعني مستحيل يزيد
اكثر من كذا الا اذا افرطت بشدة بس
اقدر انزل وزني اذا كملت …
عادات صحية استمري عليها طول حياتك
وما عليكي من الناس .. خليهم هم
يقلدوكي مو انتي تقلديهم

-اشربي موية قد ما تقدري وخليها وسط
برودتها لانه لو باردة مرة ما تقدري
تشربيها كلها .. الموية هدفها تلين
الشحوم المتراكمة على جسمك
وبسهولة تتخلص منها .. على فكرة
وحدة اعرفها تقول انه قعدت شهر
تشرب موية صفى لها وجهها .. وقلل من
الافرازات المهبلة وخلى المكان ضيق
لدرجة شكت اذا كان من الموية او لا ..
مع انها ما كانت تستخدم اي شيء في
ذيك الفترة …
واللي ما تقدر تشرب موية بكثرة ..
استبدلي بحليب السعودية خالي الدسم
طبعا سخنيه وحطي عليه سكر الريجيم
وحطي عليه اي نكهة نسكافيه او اي
شيء … المهم سوائل.. ومنها تستفيدي
كالسيوم بجسمك ..

– 3 مرات باليوم كوب ماء مغلي+ ملعقة
اكل شمر وغطيه 5 دقايق عشان ما
يتبخر الفوائد .. وهذي وصفة الدكتور جابر
القحطاني لشد الجسم وينحف كمان ..
واللي تحب تضيف عليه شاي اخضر
يكون افضل.. ترى الشمر يا بنات والله
روعة وحالي ما تحسي بمرارة بس
اشربية من وقته لا تخليه بعد ساعة او
نص ساعة بيتركز طعمة ويصير مو
حلو …
– دلعي نفسك واشتري لك اكواب ملونة
عشان تفتح نفسك …
دار

– قالت د-مريم نور <احذروا السمين
<مثنى سم>الأبيضين> وهو السكر
والملح
السكر بيجي مرض السكر وزيادة الوزن
والملح بيجيب الضغط ويحبس السوائل
بالجسم … يعني ما تقدري تنحفي بيكون
عائق لك.. واستبدليه بملح البحر صحي
واضمن

– لا تتعشي .. واذا جعتي خذي عصير او
لبن زبادي خالي الدسم … يؤدي الغرض
والافضل انك تنامي بدري الساعة 9 مثلا
وتقومي الساعة 2 اذا تحبي تسهري ..
على الاقل تقدري تنتظري للصبح
ووتفطري … واللي زوجها ينام بدري
فرصة تنام معاه … واللي يسهر تقوم
على الليل وتقدر تجلس معاه قبل هو
يدخل ينام…
-ابتعدي عن الماكولات الغير مهمة ..
يعني مثلا مو مرة تحبي المكسراااات
خلاص استغني عنه نهائي … وفي بنات
ما يحبوا الفشار ذاك الزود خلاص ابتعدي
عنه .. ايش تستني؟؟ وزي كذا

-خلي اكلك نص الكمية وهذي اهم
نقطة … يعني متعودة تاكلي صامولي
كامل خذي نص … الرز مثلا تاكلي كوب
كامل خليه النص … وهكذا
وضعي اكلك في صحن صغير حق
السلطة لا تعطي نفسك مجال تاكلي
من الصحن الكبير … معليش بتتعودي
– هذا ينفع للمتزوجات … الاكل اللي ما
تحبية اطبخيه لزوجك واولادك.. زي انا ما
احب الايدامات بصفة عامة <البطاطس-
السبانخ- الفاصوليا> صرت كل يوم
اسوي طبخة منها .. وتلاقيني اكل شوية
واقوم … وهذا يساعدك على التخفيف
– اعطي نفسك يوم واحد مفتوح وكلي ما
لذ وطااااااااااب … عشان لا تحسي
بشراهة على الاكل ..
– ابتعدوا عن المقليات والزيوت .. خلوها
بالشهر مرة او مرتين …
-لا تسوي حلا كثير .. خلوها في الشهر
مرتين مثلا وكلي بحجم علبة الكبريت
واذا بتسوي حلا ؟؟ سوي في اصغر
صينية قزاز ..<اللي تجي طقم كبير
ومتوسط وصغير>سوي فيها حلا ويخلص
من وقته.. وحاولي ما يبقى بالثلاجة
شيء .. عشان ما تضعفي … واذا زاد
منه.. ارسلي لجيرانك … ومنها تكسبي
اجر … وحتى كمان المكرونة وغيرة
سوي بالصينية الصغيرة ومو لازم تشبعوا
المهم انكم سديتوا الجوع <<< بايعتها
بقووووة دار
– على فكرة يا بنات .. انا اخوية ما عمل ولا شيء من
اللي ذكرته لكم … فقط اللهم كان ما يتعشى
ونزل عليها تقريبا 20 او 19 كيلو
يعني ما كان يشرب شمر ولا كان يطلع درج
ولا يمشي… وينام اكثر مننا ..بس ما كان ينام
بعد الاكل مباشرة
وما شاء الله نزل كثير من حرمان العشاء
واعتقد اخذ منه 4 او 5 او 6 شهور والله مو فاكرة بالضبط كم
بس المهم النتيجة

واخيرا
اتمنى تاخذوا الموضوع موضع جد
لأنه لا يحتمل التأجيل
ونشوف تفاعلكم يا حلواااات …

الموضووع منقووول للاخت حافية القدمين جزاها الله خير

كلااام معقول وفي الصميم
يعطيك العافيه ع الإنتقاء المميز

السلاام عليكم
اول شي اقووول ما شاء الله عليك باين عليك قووويه
بالتالي مع احترامي لموضوعك الا اني ما كملته !!!
ولو بقتبس من كلاامك ما خلصت !!
من فينا تكره نفسها وتقول وش ذنب الناس يتحملون منظري ولا تقول لنفسها فيله !!
الحمد لله ع النعمه والمفروض نحمد ربنا اللي خلقنا فاحسن خلقنا انتي قد شفتي ناس بهم عيووب خلقيه !! قد شفتي ناس الله لا يبلاانا اشكالهم غلط !!
انتي الحين تشجعينهم ينحفوون او تحسسينهم انهم حيوانات=فيله ((وانتم بكرامه)) بجد كلاامك يقهر
يعني الدبيه مالها حياااه ؟؟
ولا مايلبق لها تدلع وتعيش حياتها
ولا تعيش طوول عمرها تقارن نفسها بهاذي وهذيك الين تكره نفسها وتكره كل اللي حوولها
البنت الدبيه تقعد في بيتهم اصرف بدال ما تتعرض لمواقف مثل كذا !!
ولا لا ماتتزوج احسن لها عشان ما تشووف زوجها في المرايه جمبها وتحس انها امه !!بجد كلاامك عجب!!
الحين الرشيقه لو تلبس بعشره يطلع خوقاقي عليها وحنا لو نلبس السوق كله يطلع شكلنا غلط ووفيله وومقرف بنسبه للناس!!
ههه وعجبتني وجهك عجينه انتي من جدك !! يعني انتي كنتي تشووفين نفسك كذا او تشوفين الناس من حولك مقرفين ماتقولين الحمد لله ع النعمه

(((((ايه صح نبي ننحف لنفسنا موو لغيرنا !! ايه صح نبي نروح السووق وما نتعب وحنا ندوور ايه صح مانبي تصيبنا امراض بسبب السمنه||الله يكفينا|| ايه صح نبي نكون راضين كل الرضا عن شكلنا))))((بس مو باسلوب التحطيم ووالقرف من نفسنا وتشبيهنا بالحيونات ولاجلستنا بلبيت وانغلاقنا ع انفسنا))
بس صدقيني كل انسان راضي بشكله وويتقبله وتعالي ترا نتصوور ونحتفظ بصورنا ويكثر اللي حولنا يمدحون جمالنا وروحنا الطيبه وخفة دمنا وولا بعد روح الطفل اللي بداخلنا اللي تخلينا مثل الفراشه ع قوولتك

مع هذا كله اختلااف وجهاة النظر لا تفسد للود قضيه
صح ان الجمع لغة الاغبيائ على ما قالوو بس انا جمعت لاني اعرف ناس كثير مثلي ويحبون نفسهم وما يشبهون نفسهم بالحيوانات

واخيراً اسفه لو اسلوبي ممكن يكون يضايقك وواسفه ع الاطاله

بالتووووووفيقــــ بنات

دار

دار ما شاء الله عليكي
ربنا يوفقك

دار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top