كنت عايزة اعمل اكله سريعة لان زوجي قرب معاد رجوعه من الشغل ومعنديش وقت للطبيخ
عشان البنات مجنني طول النهار ومبقدرش اسيبهم لوحدهم مع بعض
فعملت اكله مبتخدش اكتر من نص ساعه
وتعتبر وجبة غذائيه متكامله
المقادير
كوب ارز
3 حبات كوسة
صدر فرخة
حبتين طماطم
بهارات وفلفل اسمر وملح
ملعقة زيت زيتون
الطريقة
نقطع صدر الفرخه قطع صغيرة
نحط زيت الزيتون في الحله و ونحط الفراخ تتشوح
وبعدين نضيف الكوسة اللي قطعناها بردو صغير ونشوحها بردو
وبعدين نقطع الطماطم مربعات صغيره ونضيفها هي والبهارات والفلفل
والملح ونشوحهم لحد لما الطماطم تنزل كل مايتها
ونضيف الارز يتشوح هو كمان وبعدين نضيف كوب مايه
ونوطي عليه لحد لما يستوي
وطبعا مش هياخد اكتر من 20 دقيقه ع النار
وطبعا سرعاته الحرارية قليله جدا
وانا عملت لجوزي جنبه بطاطس بورية
وسلطه خضراء
وبالهنا والشفا ع قلوبكمـ
يالغالية
يم يمي يم يمي يم يمي
الله شكلها مررررة شهي
الله يعطيكِ العافية
على الوصفة الرائعة والشهية
سلمتِ على اختياركِ المميز
ودمتي بكل خير
يسلمو ايدينك الحلوين
وصفه حلوة وسهله وشكلها لذيذ
احلى تقييم لعيونك يا قمر
سلمت يداك حبيبتى على الوصفة السهلة السريعة..
مباااارك وسام التميز حبيبتى..
ننتظر جديدك بكل شوق..